Porokaza monero

El Vikipedio, la libera enciklopedio
Salti al navigilo Salti al serĉilo
Sovetunia rublo de 1965, rememoriga de la 20a jariĝo de la venko en la Dua Mondmilito. 60 milionoj da pecoj estis stampitaj[1] kaj cirkulis kiel regula valuto.

Porokazaj moneroj estas moneroj eldonitaj por rememorigi iun partikularan okazon kaj enhavantaj desegnon diferencan el la kutima kun referenco al la okazo pro kiu ili estas eldonitaj. Multaj moneroj de tiu kategorio utilas nur kiel kolektaĵoj, kvankam kelkaj landoj eldonas ankaŭ porokazajn monerojn por regula cirkulado.

Historie, la moneroj eldonitaj de ajna ŝtato ĉiam montris la tiaman politikan aŭ ekonomian situacion. Multaj antikvaj kaj antaŭ-modernaj moneroj certe rememoras okazaĵojn de tiutempaj epokoj. Por ekzemplo, romiaj moneroj ofte havas referencojn al militaj kampanjoj kaj al venkoj super eksterlandaj popoloj. Tiuj ofte estas simboloj kiuj reprezentas la subigon de ĵus konkeritaj teritorioj por la Romia ŝtato. Tiaj moneroj estas ekzemploj de antikva politika propagando. Tiel Romia Imperio povas esti frua instanco kiu eldonis jam porokazajn monerojn.

En moderna epoko estis tre ofta la aperigo de bildoj de bustoj de ge-reĝoj sur almenaŭ unu el la du flankoj de la moneroj. Foje tiuj moneroj estis intencitaj nur kiel valora objekto por rememorigo de gravaj okazoj: kronigoj, princonaskoj, venkoj ktp. Tiuokaze oni uzis valorajn metalojn, kiel oro aŭ almenaŭ arĝento, kaj tre ofte ili estis konsideritaj kiel artaĵoj.

Notoj[redakti | redakti fonton]

  1. Standard Catalog of World Coins, eldono de 1996, p. 1807. Krause Publications 1995, (ISBN 0-87341-357-1).