Radiokasedilo

Kelkaj radiokasediloj de diversaj markoj ordigitaj en montrofenestro en la 1980-aj jaroj.
Unua vico (supra): Citizen TA 80
Dua vico: GE 5252, Sharp GF 4646, Sony GF-580
Tria vico: Toshiba RT-6015, Lloyds V156, Hitachi TRK-9000H
Kvara vico (malsupra): Sony CFS-88S, JVC PC200.

Radiokasedilo de Radio Raheem aperanta en la filmo "Do the Right Thing" de Spike Lee. Ĝi havigas muzikon kiel parto de la ĉiutagaĵo, sed ankaŭ funkcias kiel mejloŝtono de la ŝanĝo al la fina tragedio de la filmo. Bildo havigita de Smithsonian National Museum of African American History and Culture.

Radiokasedilo estas portebla reproduktilo de sono kiu integras en unusola aparato kaj kasedreproduktilon kaj radioricevilon. Temas tial pri tipo de elektra aparato kiu ebligas ĉu aŭskulti radion ĉu reprodukti kasedojn. Pere de duoblaj kasediloj eblas ankaŭ kopii la sonon de unu kasedo al alia, kondiĉe ke la magneta benco de tiu lasta estu surkopiebla. Kelkaj pli novaj modeloj de radiokasediloj inkludas ankaŭ reproduktilon de kodooj aŭ konektiloj por USB-poŝmemoriloj.

La unuaj reproduktiloj estis enkondukitaj en la merkato fare de diversaj kompanioj fine de la 1970-aj jaroj, kiam la sterea sono aliĝis al dezajnoj ekzistantaj por registrado de radiokasedilo. Tiel oni fabrikis modelojn pli prilaboritajn kaj potencajn. Ofte ili asociiĝas kun fenomenoj de la 1980-aj jaroj: nome la rompdancado kaj la kulturo hiphopo.​

Pro la facileco de transporto, ankaŭ aliaj urbaj kulturoj uzas la radiokasedilojn kiel parto de sia stilo ― por ekzemplo en praktikoj de popolaj dancoj kaj en provludoj de baleto ― same kiel por aliaj agadoj.

Je la alveno de la cifereca revolucio la radikasediloj estis neglektataj, kvankam kelkaj kolektistoj kaj nostalgiuloj plue uzas ilin.

Referencoj

• En tiu ĉi artikolo estas uzita traduko de teksto el la artikolo Radiocasete en la hispana Vikipedio.