Ringo (ludo)
Ringo estas pola sportludo, simila al flugpilkado aŭ badmintono, en kiu oni ĵetas guman ringon kaj celas trafi kontraŭan kampon.
La ludon inventis skermanto kaj ĵurnalisto Włodzimierz Strzyżewski en la jaro 1959, kaj demonstris ĝin dum la Somera Olimpiko 1968 en Meksikurbo. Tamen kiel pola individua kaj teama ludo ĝi estiĝis en la jaro 1973. Tiam oni komencis organizadi Pollandan Ringo-Ĉampionadon.
Komence Ringo estis uzata kiel elemento de skermanta trejnado, poste - kiel subĉiela ludo por ĉiuaĝaj homoj. Fine post ŝanĝoj en luda regularo Ringo iĝis sporto kun riĉa taktiko kaj ludtekniko. Ringon oni ludas ne nur en Eŭropo. Fondita en 1989 Pola Ringo-Asocio kaj en 1993 Internacia Ringo-Federacio organizas internaciajn maĉojn, i.a. Eŭropan kaj Mondan Ĉampionadon.
Eksteraj ligiloj
[redakti | redakti fonton]- La paĝaro de Internacia Ringo-Federacio kun regularo en kelkaj lingvoj Arkivigite je 2006-05-21 per la retarkivo Wayback Machine