Rivero Šventoji okcidenta
| Šventoji | |
|---|---|
 la rivero mallonge antaŭ la enfluejo en la Baltan Maron ĉe la samnoma urbeto Šventoji
| |
| rivero • marborda rivero • lima rivero | |
| Bazaj informoj | |
| Situo | en Litovio |
| Longeco | 86,4 km |
| Fluo | |
| Fonto | komunumo Skuodas |
| - Alteco super marnivelo | 42 m |
| Enfluejo | ĉe Šventoji en la Baltan Maron |
| - Alteco | 0 m |
| Altecodiferenco | 42 m |
| Geografio | |
La rivero Šventoji - jen litove, prononco "Ŝventoj" 
aŭskulti, laŭ traduko "la sanktuloj", ĵemajtie Švėntuojė, latve Sventāja, historie ankaŭ germane Heiligenau - situas en la okcidenta parto de Litovio.
Ĝi longas 86,4 kilometrojn kaj en sia tuta vojo pasas tra la historia regiono Ĵemajtio.
De la fonto (56°15'24.1" no., 21°28'11.4" or.) en la komunumo Skuodas, 2 kilometrojn sudokcidente de la eksa stacidomo de la komunumocentra urbeto Skuodas ĝi fluas tra ofte tre malrekta vojo tendence sudokcidenten (je rekta vojo la distanco inter fonto kaj enbuŝiĝo nur estus iom pli ol 40 km).
En granda parto de sia vojo la rivero konsistigas la limon inter Latvio kaj Litovio, kiu pro la kurba rivera vojo ankaŭ sufiĉe forte kurbiĝas. Fine ĝi pasas inter alie la vilaĝon Būtingė kaj ĉe la feria urbeto Šventoji fluas en la Baltan Maron.
La rivero en Vikipedio nomiĝas "rivero Šventoji okcidenta", ĉar en la orienta parto de Litovio ekzistas alia rivero same nomata Šventoji, kun 246 kilometroj pli longe ol la okcidenta samnomulo kaj la ĉefa alfluanto de la rivero Neris.
