Rucandio (Burgos)
Rucandio | |||
---|---|---|---|
![]() | |||
municipo en Hispanio ![]() | |||
Flago | Blazono | ||
Administrado | |||
Poŝtkodo | 09593 | ||
En TTT | Oficiala retejo [+] | ||
Demografio | |||
Loĝantaro | 69 (2023) [+] | ||
Loĝdenso | 2 loĝ./km² | ||
Geografio | |||
Geografia situo | 42° 45′ N, 3° 33′ U (mapo)42.751666666667-3.5422222222222Koordinatoj: 42° 45′ N, 3° 33′ U (mapo) [+] | ||
Alto | 802 m [+] | ||
Areo | 32,63 km² (3 263 ha) [+] | ||
Horzono | UTC+01:00 [+] | ||
![]() | |||
| |||
| |||
Alia projekto | |||
![]() | |||
Rucandio [ruKANdjo] estas submunicipo kaj municipo en la nordo de la provinco Burgoso, en la regiono Kastilio-Leono, Hispanio. Ĝi apartenas al la komarko La Bureba.
Geografio
[redakti | redakti fonton]![](http://upload.wikimedia.org/wikipedia/commons/thumb/5/5f/Entrada_a_Rucandio.jpg/230px-Entrada_a_Rucandio.jpg)
![](http://upload.wikimedia.org/wikipedia/commons/thumb/e/e2/Hozabejas.jpg/230px-Hozabejas.jpg)
![](http://upload.wikimedia.org/wikipedia/commons/thumb/5/5b/Huespeda.jpg/230px-Huespeda.jpg)
![](http://upload.wikimedia.org/wikipedia/commons/thumb/d/d6/Ojeda_08.jpg/230px-Ojeda_08.jpg)
![](http://upload.wikimedia.org/wikipedia/commons/thumb/0/00/Iglesia_de_San_Lorenzo%2C_Ojeda_07.jpg/230px-Iglesia_de_San_Lorenzo%2C_Ojeda_07.jpg)
Ĝia municipa teritorio, kiu enhavas ses loĝlokojn nome Herrera de Valdivielso, Hozabejas [ozaBEĥas], Huéspeda, Madrid de las Caderechas, Ojeda [oĤEda] kaj Rucandio (kiel ĉefurbo), okupas totalan areon de 32,63 km² kaj laŭ la demografia informo de la municipa censo fare de la INE en 2021, ĝi havis 64 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 450 loĝantojn el la 1940-aj jaroj.
Ĝi distas 60 km de Burgoso, provinca ĉefurbo, kaj estas sur la Valo de Caderechas [kadeREĉas].
La 88 % de ĝia municipa teritorio (2 861,06 hektaroj) estas protektita de la birdoprotekta areo ZEPA Sierra de la Tesla-Valdivielso, kiu klopodas protekti la habitaton de jenaj birdospecioj: ansergrifo (Gyps fulvus), blua cirkuo (Circus cyaneus), perknoptero (Neophron percnopterus) kaj ruĝbeka montokorvo (Pyrrhocorax pyrrhocorax). En la teritorio abundas kverkoj kaj pinoj, dum ĉefaj kultivoj estas fruktoĝardenoj. Tiukadre abundas ankaŭ montarbestoj, kiel kapreoloj kaj aproj (enspezofonto per ĉasado) kaj la raraj krucbekuloj, inter aliaj birdoj.
Historio
[redakti | redakti fonton]La areo apartenis unue al la Regno Kastilio. En Mezepoko okazis reloĝado fine de la 9-a jarcento. Ĝi apartenis al la loka kvaropo Cuadrilla de Rojas, unu el sep dividaĵoj de la Merindad de Bureba apartenanta al la partido de Bureba, nome reĝa jurisdikcio kun propra vicurbestro.
Aktualo
[redakti | redakti fonton]Tradiciaj enspezofontoj estis agrikulturo (cerealoj, vitejoj kaj fruktarboj) kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj.
Inter vidindaĵoj menciindas la preĝejo de Sankta Maria kaj vinkeloj.