Senŝtata socio

El Vikipedio, la libera enciklopedio
Saltu al: navigado, serĉo

Senŝtata socio estas socio kiu ne estas regita fare de ŝtato kaj pro tio ankaŭ ne de registaro. En senŝtataj socioj, ekzistas malmulte da koncentriĝo de aŭtoritato; la plej multaj pozicioj de aŭtoritato kiuj ekzistas estas tre limigitaj en povo kaj estas ĝenerale ne permanente tenitaj pozicioj; kaj sociaj korpoj kiuj solvas disputojn tra antaŭdifinitaj reguloj tendencas esti malgrandaj.[1] Senŝtataj socioj estas tre variaj en ekonomia organizo, kaj kulturaj praktikoj.[2]

Kvankam senŝtataj socioj estis la normo en homa prahistorio, malmultaj senŝtataj socioj hodiaŭ ekzistas; preskaŭ la tuta tutmonda loĝantaro loĝas ene de la jurisdikcio de suverenaj ŝtatoj. En kelkaj regionoj laŭnome ŝtatinstancoj povas esti tre malfortaj kaj havi malgrandan aŭ neniun faktan potencon. Laŭlonge de la historio la plej multaj senŝtataj popoloj estis integritaj en la ŝtat-bazitaj socioj ĉirkaŭ ili.[3]

Kelkaj politikaj filozofioj, precipe anarkiismo, rigardas la ŝtaton kiel nebonvenan institucion kaj konsideras senŝtatajn sociojn idealo.

Notoj[redakti | redakti fonton]

  1. ELLIS, Stephen. (2001) The Mask of Anarchy: The Destruction of Liberia and the Religious Dimension of an African Civil War. NYU Press. ISBN 978-0-8147-2219-0.
  2. BÉTEILLE, André. (2002) “Inequality and Equality”, Companion Encyclopedia of Anthropology. Taylor & Francis, p. 1042–1043. ISBN 978-0-415-28604-6.
  3. FAULKS, Keith. (2000) Political Sociology: A Critical Introduction. NYU Press. ISBN 978-0-8147-2709-6.

Bibliografio[redakti | redakti fonton]