Stato

Stato laŭ PIV estas

1. maniero, en kiu eventuale staras afero (vidu ankaŭ la vorton situacio),
2. maniero de ies ekzisto, kiel ĝin difinas la cirkonstancoj
3. en kemio, ĉiu el la tri manieroj, kiel prezentas sin la materio - solida, likva kaj gasa stato de materio.

Sume do temas pri la tuto de ĉiuj ecoj, kiuj necesas por diferencigo de observata objekto kontraste al aliaj objektoj.

Detale la vorto

• en la fako fiziko signifas la nemiskompreneblan priskribon de fizika sistemo (en kvantuma mekaniko la termino havas specifan signifon de kvantumstato),
• en la scienco pri materioj
  • kaj aparte en la subfako termodinamiko la indikoj pri ĉiuj stato-funkcioj
  • kaj la fazon de materio - do solida, likva aŭ gasa stato,
• en la fako informadiko la nunaj valoroj stokitaj en difinita kvanto da variabloj,
• en elektroniko la ŝaltostaton de komponentoj, maŝinoj kaj maŝinaroj,
• en psikologio kaj psikoterapio la gradon de esprimiĝo de persona karakterizaĵo en difinita momento (angle state) kontraste al tempe relative stabilaj personaj trajtoj (angle trait),
• en la fako medicino kaj la medicina dokumentado la nocion "stato post...", kiu ĝenerale celas la estaĵon post certa malsano, akcidento, operacio aŭ alia terapia traktado, kiu ne nepre devas korespondi al nunaj simptomoj de la paciento, sed tamen estas menciinda,
• kaj fine en komerco la stato de vendado de komerca objekto.