Luksemburgo (Belgio)

Ĉi tiu artikolo temas pri la provinco Luksemburgo en Belgio. Por aliaj signifoj vidu la artikolon Luksemburgo.

Situo de Luksemburgo en Belgio (palgrize + grize) kaj Valonio (grize)

Blazono de la provinco Luksemburgo

Luksemburgo estas la plej sud-orienta provinco de Belgio, unu el la kvin provincoj de Valonio. Ĝi havas surfacon de 4440 km² kaj nombris (en 2007) 261 178 loĝantojn. Sekve ĝi estas laŭ surfaco la plej granda provinco de Belgio kaj de Valonio, sed laŭ loĝantaro la plej malgranda. Ĝia ĉefurbo estas Arlon.

Norde la provinco limas al la provinco Lieĝo, okcidente al Namuro, sude al Francio kaj oriente al la ŝtato Luksemburgo. Luksemburgo estas parto de la montetaro Ardenoj. Ĝia plej alta punkto estas la 651 metrojn alta Baraque de Fraiture en la municipo Vielsalm.

Luksemburgo dum sia preskaŭ tuta historio estis parto de la ŝtato Luksemburgo. Nur sekve de la Traktato de Londono (1839) la ŝtato Luksemburgo estis dividita en du partojn. La franclingva okcidenta parto estis donacita al Belgio kaj tie iĝis la provinco Luksemburgo. La orienta luksemburglingva parto restis en "persona unio" kun Nederlando.

Luksemburgo konsistas el 44 municipoj, el kiuj tri ricevis la honortitolon urbo: Arlon (la ĉefurbo), Bouillon kaj Durbuy.

Provinco Luksemburgo: 44 municipoj

Distrikto Arlon

Arlon Attert

Aubange

Martelange

Messancy

Distrikto Bastogne

Bastogne Bertogne

Fauvillers Gouvy

Houffalize Sainte-Ode

Vaux-sur-Sûre Vielsalm

Distrikto Marche-en-Famenne

Durbuy Erezée Hotton

La Roche-en-Ardenne Manhay

Marche-en-Famenne Nassogne

Rendeux Tenneville

Distrikto Neufchâteau

Bertrix Bouillon Daverdisse

Herbeumont Léglise Libin

Libramont-Chevigny Neufchâteau Paliseul

Saint-Hubert Tellin Wellin

Distrikto Virton

Chiny Etalle Florenville

Habay Meix-devant-Virton Musson

Rouvroy Saint-Léger

Tintigny Virton

Eksteraj ligiloj

greke Oficiala retejo (france)