Svastiko

Tradicia hindua svastiko laŭ horloĝa direkto

Nazia flago

Svastiko (el la Sanskrita lingvo svástika स्वस्तिक) - ankaŭ nomata hokokruco - estas tre praa simbolo en Azio kaj Eŭropo. Tamen, nuntempe ĝi estas tabuo en Okcidenta civilizo ĉar naziismo elektis ĝin kiel simbolon.

Estas du versioj:

• svastiko. La brako faldiĝas laŭ horloĝa direkto. Tiu estas pli ofta.
• saŭvastiko. La brako faldiĝa laŭ malhorloĝa direkto.

Ambaŭ aperas tra historio, simbolante Sunon, fajron, bonan sorton, aŭ simple kiel geometria ritmo, kiel ĉe helenaj strioj.

Por Hinduismo, ambaŭ simboloj signifas la du formojn de Bramo; horloĝe, la evoluo de universo (Pravritti), malhorloĝe, ties malevoluo (Nivritti).

Por Budhismo, svastiko aperas orte laŭ horizonto. Ambaŭ simboloj estas en la ĉina alfabeto (卍 simbolo de litero wan4 萬 signife "ĉio" kaj "eterno"; kaj 卐, malofte uzata.)

Ĝajnismo kombinas svastikon kun simbolo de mano.

Svastiko aperas ofte en restaĵoj de Trojo.

En Kristanismo, ĝi rolis kiel alternativo por kruco.

La teozofio havas simbolon, kie aperas kaj la svastiko kaj la sespinta David-stelo.

Naziismo elektis ĝin por la flago de Germanio (1933 - 1945) pro ties uzo de hindeŭropanoj, arjoj. Tiurilate la svastiko estas konata ankaŭ sub la sinonimo hokokruco.

Eŭskoj ankaŭ uzis ĝin tradicie kaj moderne, sed post Hispana Enlanda Milito (1937), la rekta variaĵo tabuiĝis anstataŭita de ronda variaĵo lauburu.

Vidu ankaŭ trigamban version triskelo