Eksterdistrikta urbo

Eksterdistrikta urbo estas teritoria administra unuo inter alie en Germanio: La plej grandaj urboj de la ŝtato ne apartenas al iu distrikto, sed mem havas saman rangon kiel la distriktoj: Eksterdistriktaj urboj plenumas memstare la taskojn kaj de komunumo kaj de distrikto. Ĝenerale eksterdistriktaj urboj estas grandurboj, do urboj kun pli ol 100 000 loĝantoj, sed ekzistas esceptoj. La grandurboj Berlino, Bremeno kaj Hamburgo eĉ estas federaciaj landoj samrangaj al ekzemple Nordrejn-Vestfalio aŭ Bavario.

Eksterdistrikta urbo (Aŭstrio) DEC Eisenstadt Eisenstadt DEC Graz Graz DEC Innsbruck Innsbruck DEC Klagenfurt Klagenfurt DEC Krems Krems DEC Linz Linz DEC Rust Rust DEC Salzburg Salzburg DEC St. Pölten St. Pölten DEC Steyr Steyr DEC Villach Villach DEC Waidhofen an der Ybbs Waidhofen an der Ybbs DEC Wels Wels DEC Wien Wien DEC Wiener Neustadt Wiener Neustadt

Ĉiuj 15 eksterdistriktaj urboj en Aŭstrio

En la federacia lando Baden-Virtembergo la germanlingva nomo por tiuj "urboj sendependaj de distriktoj" estas Stadtkreis (urba distrikto), en la aliaj 15 federaciaj landoj de Germanio ili nomiĝas kreisfreie Stadt.

En Aŭstrio la paralela koncepto nomatas Statutarstadt ("statuta urbo"), laŭ la stato de decembro 2012 entute ekzistas 15 tiaj urboj. La mapo dekstre montras ilin.

En anglalingvaj landoj oni ĝenerale nomas urbojn de tia administra statuso independent cities (sendependaj urboj), kaj en Rusio la paralela koncepto estas городской округ (urba distrikto).

Vidu ankaŭ

• Aŭtonoma urbo