Viola (koloro)

Ĉi tiu artikolo temas pri la koloro viola. Ankaŭ ekzistas komunumo en Italio kiu nomiĝas Viola. Ne konfuzu kun violo (planto)

#AB00FF

kolorcirklo

Viola, aŭ violkolora, estas la komplementa koloro de flavo. El la videbla spektro, tiu koloro rilatas al ondolongoj inter 380 nm kaj 440 nm. Violan koloron oni ekhavas miksante farbojn ruĝan kaj bluan. La vortoj "viola" kaj "violkolora" devenas de la nomo de la floro violo.

Tre similaj al la viola koloro estas la koloroj malva (miksaĵo de viola kaj roza) kaj purpura (miksaĵo de viola kaj ruĝa).

En diversaj kolormodeloj oni reprezentas la violan koloron jene:

• RVB: R = 0,5; V = 0,0; B = 1,0.
• CMFN: C = 0,5; M = 1,0; F = 0,0; N = 0,0.

#AB00FF

Vidu ankaŭ

• Lila
• Magenta
• Malva
• Purpura