Stacio Catalina
| Stacio Catalina de la Observatorio Steward | |
| Observatorio | |
| Oficiala nomo: Steward Observatory Catalina Station | |
| Lando |  Usono
|
|---|---|
| Municipo | Tucson (Arizono) |
| Supermara alteco | 2 518 m s. m. |
| Koordinatoj | 32° 25′ 0″ N 110° 43′ 57″ U / 32.41667 °N, 110.73250 °U (mapo) |
| Estiĝo | 1963 |
| Posedanto | Observatorio Steward |
  Situo de la observatorio en Usono
| |
| Retpaĝo: http://www.as.arizona.edu/ | |
La Stacio Catalina de la Observatorio Steward estas usona astronomia observatorio sur la Monto Bigelow, en la Montoj Santa Catalina proksimume 29 km nord-oriente de Tucson (Arizono, Usono). La situejo, en la nacia arbaro de Coronado, estas uzita, kun speciala permeso de la Usona Arbara Agentejo, far'de la Observatorio Steward de la Universitato de Arizono.[1]
Historio
[redakti | redakti fonton]La situejo de la Stacio Catalina estis elektita de Gerard Kuiper de la Lunar and Planetary Laboratory en 1960 : li kredis, ke tiu ejo, iomete pli alta ol la ejo de la Nacia Observatorio de Kitt Peak, pli taǔgus por la agado de LPL : Monto Bigelow estas kaj pli alta kaj pli facile atingebla elde la Universitato de Arizono per la Catalina Highway.
La konstruado komencis en fino de 1962 kaj la unua teleskopo kun spegulo de 53 cm (21 coloj) komencis funkciis tie komence de 1963[3] en tio, kiu estis tiam konata kiel « Catalina Observatory », La unua teleskopo estis en la situejo CS I. Pli malfrue, dua teleskopo de 71 cm estis instalita en la situejo CS II, ĉirkaǔ 500 m sud-oriente. En 1965, teleskopo de 154 cm (61 coloj) estis innstalita ĉe la situejo I, sekvita tuj poste de du similaj teleskopoj de 152 cm (60 coloj) ĉe la situejo II. En 1969, teleskopo de 102 cm (40 coloj) estis starigita proksime de la situejo II, apud radio-transmisio de la FAA.
Kiel kondiĉo por okupi la situejon de la Observatorio de Monto Lemmon, la Usona Arbara Agentejo postulis, ke la LPL malokupu la situejon II, tio, kiu estis plenumita en 1972. La teleskopo de 102 cm restis tie ĝis 1975, kiam ĝi estis movita en la Observatorion de Monto Lemmon.[4]
En 1972, Schmidt-teleskopo de 71 cm (28 coloj) anstataǔigis la teleskopon de 53 cm. La teleskopo de 154 cm de Kuiper kaj la Schmidt-teleskopo plu estas uzataj hodiaŭ, kvankam ili estis plurfoje plibonigitaj.
En 1989, la administro de la observatorio estis transdonita de la Lunar and Planetary Laboratory al la Observatorio Steward ; en 1989 ĝi estis referita kiel Catalina Site kaj nun estas konata kiel Catalina Station.
Teleskopoj
[redakti | redakti fonton]- Teleskopo de 154 cm (61 coloj) de Gerard Kuiper, antaǔe konata kiel la NASA-a Teleskopo, konstruita en 1965. Teleskopo Cassegrain kun du sekundaraj speguloj, ĝi estas unu el la teleskopoj uzita de studentoj en la Astronomia Tendaro.[5][6]
- Schmidt-teleskopo de 68 cm (27 coloj) / 76 cm (30 coloj) instalita en 1972. Ĝi estis unue uzita de la Catalina Sky Survey[1] en 1998 kaj oni ĝin tute rearanĝis en 2003, signife ŝanĝante ties originajn optikajn specifaĵojn.[7]
Iamaj teleskopoj
[redakti | redakti fonton]- La teleskopo de 53 cm (21 coloj) instalita en 1963, anstataǔigita en 1972 per la Schmidt-teleskopo.[1]
- Teleskopo de 70 cm (28 coloj) instalita en 1963, kiu estis movita en la Observatorion de Monto Lemmon en 1972.[1]
- Teleskopo de 152 cm (60 coloj), foje referencita kiel NASA-a Teleskopo, konstruita en la fino de la 1960-aj jaroj kaj movita en la Observatorion de Monto Lemmon en 1972 ; nun konata kiel Teleskopo de la Observatorio Steward.[1]
- Teleskopo de 152 cm kun spegulo el aluminio konstruita en la fino de la 1960-aj jaroj, movita al la Nacia Astronomia Observatorio San Pedro Mártir (Meksiko).[1][3]
- Teleskopo de 102 cm (40 coloj) konstruita en 1969 kaj movita en Observatorion de Monto Lemmon en 1972.[1]
Notoj kaj referencoj
[redakti | redakti fonton]- ↑ 1,0 1,1 1,2 1,3 1,4 1,5 1,6 Lunar and Planetary Laboratory kaj ties teleskopoj, el la paĝaro de University of Arizona (angle)
- ↑ Kodoj de la Observatorioj (Minor Planet Center)
- ↑ 3,0 3,1 n° 111 Fasono de malmultekostaj fotometriaj teleskopoj, de Johnson, Harold J. (1967). (angle)
- ↑ Universitato de Arizono, Departemento pri planedaj sciencoj kaj Luna kaj Planeda Laboratorio : Raporto pri la Observatorio je la periodo de la 1-a de oktobro 1974 ĝis 30-a de septembro 1975 . Bulletin of the Astronomical Society Vol. 8, p. 11 - 19 (angle)
- ↑ La Teleskopo Kuiper de 61 coloj de la Observatorio Steward ; el la paĝaro de University of Arizona (angle)
- ↑ Astronomy Camp, Teleskopoj kaj Instalaĵoj (angle)
- ↑ Instalaĵoj de Catalina Sky Survey, el la paĝaro de University of Arizono (angle)
