Davaa Regiono

El Vikipedio, la libera enciklopedio
(Alidirektita el Suda Davao)
Saltu al: navigado, serĉo

La Davaa Regiono aŭ pli longe Regiono de Davao - filipine Rehiyon ng Davao, hispane Región de Davao - estas unu el 17 administraj regionoj de la ŝtato Filipinoj. Ĝia teritorio grupigas kvin (ĝis la 23-a de oktobro 2013 estis kvar) provincojn (en la apuda mapo apud la regiona nomo ĉiuj kolorigitaj en nuancoj de ruĝo). Ĉiuj el tiuj provincoj havas propran registaron, estratan de guberniestro (gobernador). Por elektoj la provincoj estas subdividitaj al kongresaj distriktoj (distrito), kiuj elektas po deputiton. Dek kvar el la dek sep regionoj de la Filipinoj estas signitaj per numeroj: la Davaa Regiono havas la numerigon "11".

La regiono geografie ampleksas la sudorientan parton de la insulo Mindanao, kaj iujn proksimajn insuletojn. La teritorio sume kovras areon de 20 244 kvadrataj kilometroj, kaj en 2010 havis 4 468 563 loĝantojn, kio rezultigas loĝdenson de po 220 homoj laŭ kvadrata kilometro.

La 23-a de oktobro 2013, la antaŭa provinco Suda Davao dividiĝis en nordan kaj sudan duonojn, el kiuj la pli norda parto daŭre nomiĝas Suda Davao kaj la suda parto, oriente najbara al la provinco Saranganio, ricevis la novan nomon Okcidenta Davao kaj la ĉefurbon Malita. Ĝi estas la 81-a provinco de la lando.