Tales of Symphonia

Tales of Symphonia
Elpensinto	Fujishima Kōsuke
Eldonejo	Namco
Evoluiganto	Namco Tales Studio
Dato de lanĉo	29-a de aŭgusto 2003
Serio	Tales
Videoludilo	PlayStation 2, PlayStation 3, Nintendo GameCube, Microsoft Windows
Tipo de videoludo	rola videoludo
Maniero de ludado	multludista videoludo, unuludanta videoludo, kunlabora reĝimo de videoludo
Takso de PEGI	PEGI 12
Takso de ESRB	Teen (Adoleskuloj)
	v • d • r

Tales of Symphonia (japane: テイルズオブシンフォニア, Teiruzu obu Shinfonia) estas japana rolluda videoludo aperinta por Nintendo GameCube la 29-an de aŭgusto 2003 en Japanio, kaj poste en Nord-Ameriko kaj Eŭropo. Tiu ludo, kreita de la japana firmao Namco, estas la kvina en la serio Tales of.

En 2008 aperis por Wii sekvo de tiu ludo, Tales of Symphonia: Dawn of the New World.

Intrigo[redakti | redakti fonton]

Tales of Symphonia okazas en mezepok-magia mondo nomata Sylvarant. La ĉefrolulo, Lloyd Irving, ekveturas kun siaj amikoj Genis Sage kaj Colette Brunel al aventuro por “regeneri” Sylvarant, replenigante ĝin je manao, vivnecesa magia energio. Dum tiu aventuro, ili esploras la mondon, renkontas homojn, kiuj aliĝos al la teamo, kaj batalas kontraŭ diversaj monstroj kaj malamikoj.

Ludmaniero[redakti | redakti fonton]

Ekzistas tri interfacoj en tiu ludo:

urboj kaj diversaj aliaj lokoj,
monda mapo, kiu ebligas vojaĝi de loko al loko,
batalinterfaco.

Dum bataloj partoprenas maksimume 4 roluloj (el 8, kiujn povas enhavi la teamo). La ludanto regas nur unu el ili kaj devas realtempe batali kun diversaj atakoj, magiaj aŭ ne. Ĉiu rolulo havas proprajn atakojn kaj fortojn. Povas esti 4 ludantoj samtempe, kaj ĉiu el ili regas unu rolulon dum bataloj.