Tarin Kut
| Tarin Kut | |||
|---|---|---|---|
| ترين کوټ | |||
 Proksime de Tarin Kut
| |||
setlejo  vd
| |||
| Administrado | |||
| Lando |  Afganio
| ||
| Provinco | provinco Uruzgan | ||
| Demografio | |||
| Loĝantaro | 71 604 (stato de 2015) | ||
| Geografio | |||
| Geografia situo | 32° 38′ N, 65° 52′ O (mapo)32.62666666666765.873333333333Koordinatoj: 32° 38′ N, 65° 52′ O (mapo) | ||
| Alto | 1 317 m [+] | ||
| Horzono | UTC+4:30 | ||
| |||
|
| |||
| Alia projekto | |||
 Vikimedia Komunejo Tarin Kowt [+]
| |||
Tarin Kut (paŝtoe ترين کوټ, perse ترینکوت, ankaŭ latinliterigata Tarinkut, Tarinkot aŭ Tarin Kowt) estas urbo en la sudo de Afganio. La urbo estas la administra centro de la provinco Uruzgan. Laŭ takso en la jaro 2015 Tarin Kut havis proksimume 71 604 loĝantojn.
Tra la urbo fluas la rivero Ĉor (ankaŭ nomata Darviŝan) venanta el nordoriento, el la distrikto Ĉora, en la riveron Tīrī Rūd (ankaŭ nomata Teri aŭ Tarin) venanta el la distrikto Ĥas Uruzgan. Poste la rivero Tīrī Rūd apud la loĝloko Dihravud enfluas la riveron Hilmend. LA du riveroj Ĥor kaj Tīrī Rūd trafluas larĝajn, loĝatajn kaj agrikulture kultivatajn valojn. Ambaŭ riveroj ricevas aldonan akvon el rojoj venantaj el la apudaj montoj.
Ekzistas vojo de Tarin Kut al Kandahar.
Milito en Afganio ekde 2001
[redakti | redakti fonton]La 28-an julio 2011 la Talibanoj kunordigite atakis la oficejon de la provincestro, la ĉefpolicejon, centron de loka televida kanalo,[1] la bebostacion de la urba malsanulejo[2] kaj diversajn pliajn konstruaĵojn. Suicidaj atencantoj laŭ oficialaj informoj preskaŭ samtempe eksplodigis tri aŭtobombojn. Sekvis fortaj interpafadoj. Sume murdiĝis almenaŭ 22 homoj.[3] Inter ili estis 12 infanoj.[2]
Referencoj
[redakti | redakti fonton]- ↑ artikolo Tote bei Grossangriff im Süden Afghanistans (germane: mortintoj dum atakego en la sudo de Afganio), gazeto Neue Zürcher Zeitung, Zuriko, Svislando, la 28-an julio 2011
- ↑ 2,0 2,1 Agnes Tandler: artikolo Bomben, Attentate, Kämpfe, Morde (germane: "bomboj, atencoj, bataloj, murdoj"), gazeto die tageszeitung, Berlino, Germanio, la 29-an julio 2011
- ↑ artikolo Viele Tote bei Talibanangriff auf Tarin Kowt in Uruzgan (germane: "multaj mortintoj en talibana atakto al Tarin Kut en Uruzgan"), Arkivigite je 2011-07-28 per la retarkivo Wayback Machine gazeto Frankfurter Allgemeine Zeitung, Frankfurto ĉe Majno, Germanio, la 28-an julio 2011
