Tavolo (geologio)

Por samtitola artikolo vidu la paĝon Tavolo.

Tavolo en estas la geologia korpo, kiu havas platan formon, do ĝia dikeco estas oble pli malgranda ol ĝia areo. Ĝi havas homogenajn ecojn kaj estas limigita de pli-malpli paralelaj surfacoj: la supra (tegmento) kaj la malsupra (plandumo).

Dikeco de la tavolo estas difinata kiel la plej mallonga distanco inter la tegmento kaj la plandumo. Tavoloj formiĝas el sedimentaj, vulkandeveno-sedimentaj aŭ metamorfaj rokaĵoj. Ili povas konsisti el kelkaj iel interligitaj subtavoloj de malsamaj rokaĵoj.

Ofte oni parolas pri akvohavaj, naftaj, gasaj kaj ercaj tavoloj.

Literaturo

[2004] Р. И. Вяхирев: Пласт // Российская газовая энциклопедия (ruse). Москва: Большая Российская энциклопедия, p. 317. ISBN 5-85270-327-3.

Vidu ankaŭ

Tavolo en ReVo