Tendumo

Kampadejo kun tendoj en Amsterdamo

Suraŭta tendo en kampadejo en Norvegio

Tendumo aŭ kampadumo (en multaj lingvoj camping, el la latina: campus, kampo) estas formo de turismo. La feriantoj tranoktas en tendoj, ruldomoj aŭ kampadveturiloj. Celo de la tendumantoj estas kutime naturproksima, neluksa, ripoziga feriado.

Tendumo establiĝis komence de la 20-a jarcento kaj nuntempe disvastiĝis multe. Tra la tuta mondo troveblas tendumejoj aŭ kampadejoj, ofte en pejzaĝe belaj lokoj, kiel naciaj parkoj. Tranoktado en tendumejoj estas kutime malpli multekosta ol en hoteloj.

En la plej multaj eŭropaj landoj ne plu permesatas tendumi sovaĝe, t.e. ekster tendumejoj.

Ekipaĵo

Tendumo en la alĝeria Saharo

Kutime oni uzas por tendumo kaj migrado:

• tendon,
• dormosakon,
• izolan maton, dormomaton aŭ aermatracon,
• boligilon.

Vidu ankaŭ

• Bivakado
• Kampadveturilo
• Ursofosto

Bibliografio

• Arnold Thunker: Mit Sack und Pack und Gummiboot. Die Geschichte des Campings (Kun sako, pakaĵo kaj gumboato. La historio de tendumo.), Kiepenheuer, 1999, ISBN 3-378-01034-7

Eksteraj ligiloj

• Tendumo ĉe la Projekto por Malferma Katalogo
• Aude Tissandier: Les débuts du camping en Auvergne en Revue Ethnologie française n° 88, 2001/4 artikolo pri la historio de tendumo en Francujo (france)