Torres de Berrellén
| Torres de Berrellén | |||
|---|---|---|---|
 | |||
| municipo en Hispanio | |||
|
|
| ||
| Flago | Blazono | ||
| Administrado | |||
| Poŝtkodo | 50693 | ||
| En TTT | Oficiala retejo [+] | ||
| Demografio | |||
| Loĝantaro | 1 498 (2023) [+] | ||
| Loĝdenso | 28 loĝ./km² | ||
| Geografio | |||
| Geografia situo | 41° 45′ N, 1° 4′ U (mapo)41.7572644-1.0645474Koordinatoj: 41° 45′ N, 1° 4′ U (mapo) [+] | ||
| Alto | 211 m [+] | ||
| Areo | 53,807596 km² ( 538 0.7 596 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Torres de Berrellén [+]
| |||
Torres de Berrellén [TOres debereLJEN] estas municipo de Hispanio, en la plej nordorienta parto de la komarko Ribera Alta del Ebro kies ĉefurbo estas Alagón, en la nordocentro de la Provinco Zaragozo (regiono Aragono).[1]
Geografio[redakti | redakti fonton]
Torres de Berrellén estas municipa teritorio en la plej nordorienta parto de la komarko Ribera Alta del Ebro, kie ĝi okupas teritorion oriente de Pradilla de Ebro kaj Remolinos, iom sude de la rivero Ebro proksime de la alfluejo de la rivero Jalón, sur la suda (dekstra) bordo. La rivero Ebro suferas fortan osciladon inter malaltaj kaj altaj niveloj kiam okazas pluvsezono foje koincide kun degelado; tio rezultas en inundoj. La municipa teritorio limas norde kun Tauste kaj Pradilla de Ebro, okcidente kun Remolinos, Alcalá de Ebro kaj Cabañas de Ebro, sude kun Alagón kaj La Joyosa kaj oriente kun Sobradiel kaj Zaragozo.[1]
La loĝloko Torres de Berrellén mem estas je 34 km nordokcidente de Zaragozo, provinca kaj regiona ĉefurbo. Ĝi estas sur 211 msm ĉe la rivero Ebro.[2] Sude de la loĝloko estas la Aŭtovojo Vasco-Aragonesa (AP-68) kaj la Aŭtoŝoseo Autovía del Ebro (A-68) inter Alagón nordokcidente kaj Utebo sudoriente.[1]
Historio[redakti | redakti fonton]
La araboj lasis irigacian reton kaj havis defendokastelon en El Castellar, trans la rivero. La konkero de Zaragoza fare de Alfonso la 1-a en 1119 ebligis, ke ankaŭ tiu loko estis konkerita de kristanoj ĉirkaŭ tiu jaro. La loĝloko ŝajne fondiĝis kiam lokanoj de El Castellar (transrivere) devis trairi la riveron por kultivi la terojn de la nuna Torres. Ili en la 12-a jarcento konstruis kampardomojn (Torres, turoj en loka parolmaniero) por resti tie dum kultivlaboro, kaj finfine restis.[3]
Torres de Berrellén demografie kreskiĝis precipe ekde la dua duono de la 19-a jarcento, ĉefe pro la epidemio de filoksero en Francio, fekundeco de la valo kaj instalo de industrio. Sed poste tamen multaj loĝlokoj de la areo perdis loĝantaron laŭlonge de la 20-a jarcento, kaj ankaŭ en Torres de Berrellén oni malaltiĝis el 1 768 loĝantoj en 1960 ĝis nunaj 1 476 loĝantoj.
Ekonomio[redakti | redakti fonton]
Tradicia bazo de ekonomio estis agrikulturo (ĉefe de irigacio: ĉefe cepoj, luzerno, maizo ktp.) brutobredado (ŝafoj, bovoj, porkoj), kaj sekva nutrindustrio (ĉefe vino), krom ekstera dungado. Nune gravas ankaŭ natura, kultura kaj rura turismo. Ĉirkaŭ 34 % de la laboristaro laboras en industrio ekster la loko, ĉefe kiel salajruloj, kaj precipe en Opel España en Figueruelas.
Vidu ankaŭ[redakti | redakti fonton]
Referencoj[redakti | redakti fonton]
- ↑ 1,0 1,1 1,2 Término Municipal en Ayuntamiento de Torres de Berrellén. Alirita la 12an de Januaro 2023.
- ↑ Gobierno de Aragón. «Zonas altimétricas por rangos en Aragón y España, y altitud de los municipios de Aragón.». Datos geográficos. Arkivita el originalo la 4an de decembro 2011. Konsultita la 12an de januaro 2023.
- ↑ Historia en Ayuntamiento de Torres de Berrellén. Alirita la 12an de Januaro 2023.