Tu scendi dalle stelle

Alfonso Maria de' Liguori

Tu scendi dalle stelle [tu ˈʃendi dalle ˈstelle], en Esperanto Vi subeniras de la steloj, estas la plej konata kristnaska kanto en Italio. Ĝin verkis ĉirkaŭ la jaro 1750 la teologo kaj posta episkopo Alfonso Maria de Liguori.

Kvankam ĝia originalo ampleksas sep strofojn, oni plej ofte kantas nur la unuajn du aŭ tri strofojn.

Kelkajn tagojn antaŭ Kristnasko 2023, Clarissa Sabatini publikigis ĉe YouTube esperantlingvan version de la kanto, subaze de traduko de Ulrich Matthias.

La teksto de la kanto

itale: Tu scendi dalle stelle, O Re del Cielo, e vieni in una grotta, al freddo al gelo. O Bambino mio Divino Io ti vedo qui a tremar, O Dio Beato Ahi, quanto ti costò l'avermi amato! A te, che sei del mondo il Creatore, mancano panni e fuoco; O mio Signore! Caro eletto Pargoletto, Quanto questa povertà più mi innamora! Giacché ti fece amor povero ancora!

esperante: Vi subeniras de la steloj, ho reĝo de la ĉielo, kaj venas en groton, ĉe malvarmo kaj glacio. Ho mia dia infaneto, mi ĉi tie vidas vin tremi. Ho mia sankta Dio Ho, tiom kostis al vi, ami min! Al vi, kiu estas de la mondo la kreinto, mankas vestaĵoj kaj fajro, ho mia sinjoro! Kara elektita infaneto, kiom igis min via malriĉo ami vin pli! Ĉar amo igis vin ankoraŭ malriĉa!

Eksteraj ligiloj

• Esperanta versio, kantata de Clarissa Sabatini
• Itala originalo kantata de Andrea Bocelli