„ La atendita libro enhavanta la adresojn de ĉiuj Esperantistoj fine aperis sub titolo de « Tutmonda Jarlibro Esperantista ». Krom la oficiala adresaro de la novaj Esperantistoj, serio XXIVa, ni tie trovas la adresojn de la Esperantistoj senditajn de la diversaj societoj aŭ kolektitajn en la antaŭaj nomaroj.
La graveco de tiu laboro senkulpigas la multnombrajn erarojn kiuj glitigis en ĝiajn kolonojn precipe pri Belgujo; sed malgraŭ tiu negrava malkorekte tiu jarlibro pruvos al la plej obstinaj skeptikuloj la disvastigon vere mirindan de la lingvo ĉe ĉiuj popoloj de la mondo. Ankoraŭ la propaganduloj, la komercistoj, korespondantoj, k. t. p. havos la utilan libron kiun ili postulis de longatempe.
Bedaŭrinde la prezo de la nova libro estas tro multekosta por la modestaj monujoj de la plimulto el niaj samideanoj : unu ekzemplero, 2 frankoj; dek ekzempleroj, 15 frankoj por ĉiuj Societoj niaj. Ni timas malrapidan disvastigadon de tiu jarlibro pro ĝia kosto. ”
