Tytuvėnai - proksimuma prononco [ti:tuVEnej] - estas loĝloko kaj administra areo (seniūnija) en la nordokcidento de Litovio. De la jaro 1995 ĝis la 1-a de julio2010 ĝi apartenis al la distrikto Šiauliai, kaj daŭre estas parto de la komunumo Kelmė. Laŭ la censo de 2022 en la loĝloko vivis 1 798 loĝantoj. Administre ĝi konsideriĝas kiel urbo (miestas), sendepende de la en internacia komparo kun aliaj urboj relative malgranda nombro de loĝantoj, ne kiel urbeto (miestelis) aŭ eĉ vilaĝo (kaimas).