Ummern estas tipa ekzemplo de eksa erikeja pejzaĝo. Sude ekzistas plejparte naturaj marĉoj kaj herbejoj. Ĉirkaŭ la vilaĝo dominas arbaretoj el kverkoj kaj agrikulturaj areoj. La entute plej ofta arbo estas la piceo, kiu estas sisteme plantata en grandaj arbaroj cele de lignoproduktado.
La erikejo nuntempe plejparte malaperis, nur restis malgrandaj areoj de ĝis unu hektaro, kiuj iom-post-iom iĝas arbaroj aŭ herbejoj.
