La Vicebska regiono (beloruseВі́цебская вобласць, latinliterigite vicebskaja voblasć) kovras la nordan parton de Belorusio. Temas pri unu el ses administraj regionoj de la lando, nomataj voblasći (komparu la artikolon oblasto), kiuj aldone al la sendependa areo de la ĉefurbo Minsko dividas Belorusion. La regiona areo kovras 40 100 kvadratajn kilometrojn. La administra centro de la regiono estas la urbo Vicebsk (beloruse Ві́цебск; ruse Ви́тебск), kiu komence de 2017 havis 369 933 loĝantojn[1]. Pliaj plej grandaj urboj de la regiono estas Orŝa (beloruse kaj ruse О́рша), kiu komence de 2017 havis 115 938 loĝantojn[2], Navapolack (beloruse Наваполацк; ruse Новополоцк), kiu tiutempe havis 102 288 loĝantojn, kaj Polack (beloruse По́лацк; ruse По́лоцк), kiu tiam havis 85 012 urbanojn. La regiono oficiale ekhavis siajn limojn en 1960 en administra geografia reformo de la Belorusa SSR ene de Sovetunio, kaj la limoj konfirmiĝis post la sendepentiĝo de la respubliko Belorusio post septembro 1991.
Vikimedia Komunejo: Vitebsk Region [+]
