Vikipedio:Artikolo de la semajno/2013/45

Estonio (aŭ Estonujo, estone Eesti aŭ Eesti Vabariik) estas lando en nordorienta Eŭropo apud la Balta maro. Ĝi estas ĉirkaŭata de Latvio sude, Rusio oriente, Finnlando norde (trans la Finna golfo) kaj Svedio okcidente (trans la Balta maro). Inter la jaroj 1940 kaj 1991 Estonio sekve de la pakto Ribbentrop-Molotov kaj rapida sovetiigo estis unia respubliko de Sovetunio. Kiel sekvo de la senperforta Kantanta Revolucio ĝerminta ekde 1989, inter alie la civitana demonstracio Baltia Vojo tra ĉiuj tri landoj de Baltio, la ŝtato la 20-a de aŭgusto 1991 formale reakiris sian sendependecon.

Estonio membras en NATO ekde la 29-a de marto 2004 kaj en la Eŭropa Unio ekde la 1-a de majo 2004.

Lastaj artikoloj de la semajno: Antonín Dvořák - Albatrosoj - Benno Elkan