Viktoria (Svedio)

Reviziita versio de ĉi tiu paĝo, aprobita je 4 nov. 2014, estis bazita sur ĉi tiu versio.

Victoria Ingrid Alice Désirée, kronprincino de Svedio kaj dukino de Västergötland (naskita la 14-an de julio 1977 en Stokholmo) estas la kronprincino (atendebla tronheredonto) de la reĝlando Svedio, la plej aĝa ido de reĝo Karolo la 16-a Gustavo kaj reĝino Silvia.

Princino Viktoria havas du gefratojn, princon Karolo Filipo (naskita la 13-an de majo 1979) kaj princinon Madeleine (naskita la 10-an de junio 1982).

Familio

Kronprincino Viktoria estas ekde 2001 en parrilato kun sveda gimnastikejestro Daniel Westling (naskita en 1973). La 24-an de februaro 2009 ili oficiale anoncis sian gefianĉiĝon. Ilia geedziĝo okazis la 19-an de junio 2010 en Stokholmo. Okaze de la edziĝo li akiris la titolon "lia reĝa alteco, princo Daniel, duko de Västergötland".

La 23-an de februaro 2012 Viktoria naskis filinon, princinon Estelle (plena nomo Estelle Silvia Ewa Mary), la unuan idon de Viktoria kaj Daniel.

Ĉi tiu artikolo ankoraŭ estas ĝermo pri svedo.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).