Walkin’Bag
Walking'Bag - prononco [ŭokingbég] - estas vojaĝa valizo, kiun en 1996 inventis la japana esperantisto Miyoshi Etsuo. Ĝi ne nur havas radojn kaj mantenilon por facila rula transportado, sed ankaŭ inkluzivas seĝon elpreneblan ĉie ajn, kie sentatas bezono de sidebleco. Origine ĝin produktis la japana korporacio Swany, kiu krome produktas aliajn valizojn, gantojn kaj rulseĝojn, kaj elektis la esperantiston honora prezidanto. Pro la kreado de Walkin'Bag Miyoshi Etsuo estis en 2007 honorita de la japana ŝtato kaj en novembro 2013 ricevis de la Japana Imperiestro la Ordenon de la Leviĝanta Suno.
En la Esperanto-movado la valizo aparte konatiĝis pro tio, ke ĝia produktado ebligis al la inventisto iĝi signifa mecenato de la movado pri internacia lingvo - pri tio pli detale legeblas en la biografia artikolo.
Eksteraj ligiloj[redakti | redakti fonton]
- retejo de la japana firmao Swany, origina produktanto de la valizo Arkivigite je 2012-11-30 per la retarkivo Wayback Machine (japane)
- sepminuta anglalingva filma prezento de la valizo en la retejo Youtube
- produkteja paĝo en la retejo Twitter
- arkivigita versio de la retejo walkinbag.com de julio 2014