Neue Osnabrücker Zeitung

El Vikipedio, la libera enciklopedio
(Alidirektita el Wittlager Kreisblatt)
Jump to navigation Jump to search
Neue Osnabrücker Zeitung
NOZ-Logo.svg
Speco ĉiutaga

Establodato 1967
Lingvo germana
Stabo ĉefredaktoro Ralf Geisenhanslüke, anstataŭanto Berthold Hamelmann (stato de somero 2016)

Retejo noz.de
v  d  r
Information icon.svg
la redakciejo en Osnabrück

Neue Osnabrücker Zeitung (mallonge NOZ) estas regiona gazeto en nordokcidenta Germanio. Kiel la nomo indikas, ĝi aperas en la urbo Osnabrück kaj havas sian centran redakcion tie. Gazetaj eldonoj ekde la jaro 1967 aperas ĉiun lundon ĝis sabaton.

En la unua jarkvarono de 2016 vendiĝis ĉiutage iom pli ol 160 000 ekzempleroj, ĉirkaŭ kvar kvinonoj el ili en abonoj, presiĝis proksimume 200 000 (ĉiam restas nevendataj gazetoj, sed iuj ankaŭ sen vendo doniĝas al bibliotektoj kaj al lokaj arkivoj).

Fondaj eldonistoj estis Leo Victor Fromm kaj Elisabeth Elstermann, de 1968 ĝis 2002 la ĉefredaktoro estis Franz Schmedt, sekvis Ewald Gerding kaj Jürgen Wermser kaj ekde septembro 2011 Ralf Geisenhanslüke kaj Berthold Hamelmann. En la lasta kvarono de la 20-a jarcento la gazeto nekutime ofte kompare al aliaj regionaj gazetoj havis intervjuojn kun gvidaj naciaj politikistoj, ĵurnalisme elstarajn komentojn, kaj tial iĝis ĵurnalisme en tuta Germanlingvio atentata amaskomunikilo, kiu iĝis "unu el la plej ofte cititaj regionaj gazetoj en Germanio".[1][2]

Esperantistoj, kiuj abonas la gazeton, ekzemple la komuniksciencistino Dagmar Schütte aŭ la kuracisto Thomas Pusch, tamen aparte akcentas la konsekvencan engaĝiĝon pri specife lokaj temoj: tion eblas kritiki kaj nomi "provinceca horizonto", sed eblas ankaŭ aparte aprezi, ĉar la specifajn informojn el loka gazeto, pri individuaj lernejoj, infanĝardenoj aŭ aliaj institucioj, pri lokaj festoj kaj individuaj sportaj teamoj kaj sportistoj, pri kulturaj eventoj kaj specifaj portretoj de nekutimaj lokuloj povas ĝis nun provizi neniu alia tradicia aŭ elektronika amaskomunikilo.

La gazeto transprenis plurajn antaŭe lokajn gazetojn, tenis ties titolpaĝojn kaj lokajn redakciojn, kaj eldonas plurajn lokajn eldonojn, en kiuj parto estas la lokaj paĝoj kaj parto la tutprojektaj artikoloj pri tutregionaj, naciaj kaj internaciaj temoj.

La lokaj eldonoj estas (unuopaj eldonkvantoj laŭ la stato de la unua jarkvarono de 2016):

eldono urbo eldono [3]
Neue Osnabrücker Zeitung Osnabrück 64 108
Meller Kreisblatt Melle 8 935
Wittlager Kreisblatt Bad Essen 5 979
Bramscher Nachrichten Bramsche 6 389
Bersenbrücker Kreisblatt Bersenbrück 13 529
Lingener Tagespost Lingen 22 002
Meppener Tagespost Meppen 20 772
Ems-Zeitung Papenburg 17 797
Delmenhorster Kreisblatt Delmenhorst 14 762
Sume 159 511

Referencoj[redakti | redakti fonton]

  1. alta honorigo por Franz Schmedt, noto de la nacia ligo de germanaj gazetelonistoj (BDZV) de la 17-a de decembro 2007 (germane)
  2. retejo presseportal.de la 17-an de februaro 2002 (germane)
  3. stato de la dua jarkvarono de 2016 (detaloj en la retejo ivw.eu)

Eksteraj ligiloj[redakti | redakti fonton]