Abismoj

Abismoj
	Abismoj
Aŭtoro	Jean Forge
Eldonjaro	1923
Eldoninto	Ferdinand Hirt & Sohn
Paĝoj	149
ISBN	0959005277
	v • d • r

Reviziita versio de ĉi tiu paĝo, aprobita je 16 maj. 2014, estis bazita sur ĉi tiu versio.

Abismoj estas la unua romano de Jean Forge (150 paĝoj) originale verkita en Esperanto en 1923 ^[1]. Ĝi priskribas kaj profunde analizas animkonfliktojn. Jam aperas la plej granda forto de la Forge-aj verkoj, la originala formo, la figuroj mem parolas pri si kaj pri siaj problemoj; la formo kaj la inventema rakontmaniero donas al tiu verko gravan signifon en la Esperanta literaturo.

aŭtoro: Jean Forge
eldonejo: Ferdinand Hirt und Sohn (Leipzig, Germanio) (1923), (Helsinki Finnlando) (1973)
formato: 149 paĝoj (1923), 150 paĝoj, 18 cm (1973)
situo: RŜBEL;

La kerno de la romano estas ĉiutage ripetiĝanta historio, sed Forge povis per sia majstra plumo igi ĝin interesa ĝis la fina vorto ... Frapante klara stilo, populare profunda psikologio kaj absoluta fundamenteco. (Jobo, Literatura Mondo 1923, p. 140).

Enhavo

Ernesto Muŝko malbone kondutis kaj elspezis sian havaĵon. Savrimedo ekaperas: edziĝi je Halino Borki, la sola filino de riĉa najbaro, kiu pro enuo kaj amsoifo unue akceptas lian proponon. Mateo Ardo, orfo, estas edukita kun Zonjo, kaj ili fianĉiĝis. Sed Mateo hazarde, alveninta ĉe S-ro Borki, plaĉas al lia filino kaj estas preskaŭ delogata de ŝi. Muŝko malespere bruligas sian domon, dum Mateo sukcesas forsavi sin el la peka pasio por reiri al sia unua amo.

Ĉefroluloj

Ernesto Muŝko, bienposedanto en Karlovo.

Halino Borki, filino de najbara bienposedanto en Nivi.

Mateo Ardo, artpentristo.

Zonjo Biringo, lia fianĉino.

Recenzoj

„ Tiun temon traktis la verkinto tre originale. El simpla intrigo kaj malgraŭ maniero, kiu malpermesas la viglon de l' rekta interparolo, Forge sukcesis verki interesan plenan romanon. La stilo estas flua, tre bona, tute fundamenta. Resume Abismoj estas valora riĉigo de nia originala verkaro. ”

— Historio de Esperanto, Dua Volumo, p. 533

Adapto por teatro

La romano estis adaptita fare de Arno Lagrange por teatro sub titolo Trajna sonĝo kaj proponita por internacia surscenigo por la 72a UK 1987 en Varsovio en 1987. La surscenigo tamen ne efektiviĝis.