Adeno
El Vikipedio
Adeno - arabe عدن [ˈʕɑdæn] - estas havena urbo en Jemeno. Ĝi situas borde de la samnoma Golfo de Adeno kaj inter la jaroj 1967 kaj 1990 estis ĉefurbo de la komunisma Demokratia Popola Respubliko Jemeno. La 1-an de januaro 2005 la urbo havis 550.744 enloĝantojn.
Aparte de tiu signifo, adeno estas internacia grekdevena vortoradiko por glando, do organo produktanta sekrecion al interno kaj ekstero de organismo: La vortoradiko estas uzata ekzemple en la medicinaj terminoj adenito (genra nomo de ĉiuj glandaj inflamoj) kaj adenomo (glanda tumoro).
