Amuro

El Vikipedio, la libera enciklopedio
Saltu al: navigado, serĉo
Foto de la Amuro je la maldekstra flanko de Heihe
Amuro natura limo inter Ĉinio kaj Rusio

La rivero Amuro (ĉine: 黑龙江, Hēilóngjiāng; mongole: Хара-Мурэн, Ĥara-Muren; ruse: Амур, Amur) estas rivero en Nordorienta Azio kun longeco de ĉ. 2900 km. Ĝi ekestas apud la Rus-Ĉina limo, kie la ambaŭ fontriveroj Ŝilka kaj Arguno kunfluas. La riversistemo Amur-Ŝilka-Onon estas ĉ. 4444 km longa.

La Amuro fluas por la plej granda parto en sudorienta direkto kaj estas por distanco de 1610 km la limo inter Rusio kaj Ĉinio. Post tio ĝi fluas tra nordorienta Rusio kaj enfluas la Oĥockan Maron. La plej gravaj branĉoriveroj de Amuro estas Usuri, Songhua, Zeja kaj Bureja.

La Amuro estas unu el la plej gravaj akvovojoj de Azio kaj estas ŝipveturebla sur la tuta longeco dum la senglacia sezono (majo ĝis novembro). La plej gravaj havenoj estas la rusaj urboj Ĥabarovsko, Komosolsko kaj Nikolajevsko.

Vidu ankaŭ[redakti | redakti fonton]

Eksteraj ligiloj[redakti | redakti fonton]