Aveiro

El Vikipedio, la libera enciklopedio
Saltu al: navigado, serĉo
Kanalo de Aveiro

Aveiro estas portugala urbo, ĉefurbo de la distrikto Aveiro, en Centra regiono kaj subregiono Baixo Vouga, je 55 km norde de Koimbro kaj kun ĉ. 60 000 loĝantoj.

Aveiro estas sidejo de municipo kun 199,77 km² kaj 73 335 loĝantoj (2001), subdividita en 14 fregezioj: Cacia, Eirol, Eixo, Esgueira, Glória, Nariz, Nossa Senhora de Fátima, Oliveirinha, Requeixo, Santa Joana, São Bernardo, São Jacinto kaj Vera Cruz.

Historio[redakti | redakti fonton]

La unuaj referencoj pri la urbo venas de la 10-a jarcento sed ĝi ne estis kategoriigita kiel vilaĝo ĝis la 13-a jarcento. Tiuepoke la loĝantaro disvolviĝis ĉirkaŭ la ĉefa preĝejo dediĉita al Sankta Mikaelo Arkianĝelo, kvankam tiu monumento ne plu ekzistas.

La bona geografia situo de Aveiro favoris ĝian kreskadon. La abundaj salejoj, fiŝkaptado kaj la markomerco konstituis la ekonomian bazon de la urbo.

En 1759, Aveiro fariĝas urbo kaj kelkajn jarojn poste sidejo de samnoma diocezo. En la 19-a jarcento alvenas ekonomia pliboniĝo, fakto kiu impulsos ĝin okupi gravan lokon en la nacia ekonomia kunteksto.