Bruno Vogelmann

Bruno VOGELMANN ([FOgelman]; naskiĝis la 30-an de julio 1909 en Heilbronn; mortis la 8-an de julio 2002) estis germana komercisto kaj esperantisto kaj Esperanto-vortaristo.

Vogelmann esperantistiĝis en 1926 kaj estis honora membro de Universala Esperanto-Asocio (UEA), kunaŭtoro de Internacia Komerca Ekonomika Vortaro kaj aŭtoro de La Nova Realismo (tradukita el Esperanto en 25 naciajn lingvojn). Li ankaŭ estis laŭreato de premioj Deguĉi (1992) kaj FAME (1993).

Vogelmann estis profesoro de la Teknika sektoro de AIS, San-Marino. Li kontribuis al diversaj Esperanto-periodaĵoj kiel Heroldo de Esperanto, El Popola Ĉinio, Monato k.a.

Literaturo

• 2002: Vogelmann, Familio. Bruno Vogelmann - 30.07.1909 - 08.07.2002. Nekrologo en Esperanto Aktuell (GEA) 21-a jaro, 2002, n-ro 5, p. 8

Eksteraj ligiloj

greke Libroj de kaj pri Bruno Vogelmann en la Kolekto por Planlingvoj kaj Esperantomuzeo kaj en la Germana Esperanto-Biblioteko Aalen greke Artikoloj de kaj pri Bruno Vogelmann en Elektronika Bibliografio de Esperantaj Artikoloj (EBEA)