FAME-fondaĵo
FAME-fondaĵo (oficiale: FAME-Stiftung zur Förderung internationaler Verständigungsmittel) estas fondaĵo starigita de Alois Meiners en 1988 por subteni interkompreniĝon inter la popoloj, evoluhelpon, sciencon kaj esploradon, junularon kaj kulturon per disdono de subvencioj. Kun la urbo Aalen ĝi fondis kulturpremion por distingi personojn aŭ organizojn, kies plurjara engaĝo antaŭenigis internacian kompreniĝon. La nomo FAME venas de la nomo de la fondinto Franz-Alois Meiners.
La festo de la Kulturpremio okazas ĉiun duan jaron en Aalen kiel Aalener Esperanto-Kulturpreis. Tiu Alena Esperanto-Kulturpremio estas organizita de FAME, de Esperanto-Grupo Alena kaj subtenata de la urba administracio. La festeno okazas en la urba biblioteko Aalen. La premio estas normale dotita kun € 3.000,- (komence estis 10.000 gm kaj poste 5000,- €).
[redakti] Premiitoj
- 2010 - Halina Gorecka kaj Aleksander Korĵenkov
- 2008 - Internacia Esperanto-Instituto
- 2006 - Interkultura Centro Herzberg
- 2004 - Kajto (muzikgrupo)
- 2002 - ADORU (Adolf Burkhardt, Bernhard Eichkorn kaj Albrecht Kronenberger)
- 2000 - William Auld
- 1998 - Marjorie Boulton
- 1996 - Gersi Alfredo Bays por sia eldonejo Fonto
- 1994 - Heroldo de Esperanto kaj Spomenka Štimec (2 premiitoj)
- 1993 - Richard Schulz kaj Bruno Vogelmann (2 premiitoj)
- 1991 - Claude Gacond por CDELI kaj Kultura Centro Esperantista
- 1991 - Ito Kanzi (Ludovikito)
