Aalen
| Aalen | ||||||
|
||||||
| Federacia lando | Baden-Virtembergo | |||||
| Distriktaro | Distriktaro Stutgarto | |||||
| Distrikto | Distrikto Ostalb | |||||
| Urborajtoj | - | |||||
| Koordinatoj | 48°50′N 10°6′O / 48.833°N, 10.1°O | |||||
| Alto super la marnivelo | 429 m | |||||
| Areo | 146,48 km2 | |||||
| Telefona antaŭkodo | 07361, 07366, 07367 | |||||
| Poŝtkodo | 73430–73434 | |||||
| Aŭtomobila kodo | AA | |||||
| Oficiala kodo | 08 1 36 088 | |||||
| Komunumestro | Martin Gerlach (senpartia) | |||||
| Adreso de la administrejo | Marktplatz 30, 73430 Aalen | |||||
| Komunuma retejo | www.aalen.de | |||||
Aalen [alen] (esperante Aleno) estas urbo en la germana federacia lando Baden-Virtembergo kun 66.580 loĝantoj (2007)[1]. Aalen estas la administra centro de la distrikto Ostalb.
Aalen havas famon en arkeologio pro sia granda romia garnizono, la plej granda kavaleri-kastelo norde de la Alpoj.
En la Esperanto-movado Aalen estas mondkonata kiel urbo de Germana Esperanto-Biblioteko.
Enhavo |
[redakti] Geografio
Aalen situas 70 km oriente de Stuttgart kaj 48 km norde de Ulm, ĉe la rando de la Ŝvaba Ĵuraso, 30 km okcidente de Nördlingen kaj Nördlinger Ries.
[redakti] Najbaraj komunumoj
Aalen najbaras al jenaj urboj kaj komunumoj: Oberkochen, Essingen, Heuchlingen, Abtsgmünd, Neuler, Hüttlingen, Rainau, Westhausen, Lauchheim, Bopfingen kaj Neresheim (ĉiuj en distrikto Ostalb), krome Heidenheim an der Brenz kaj Königsbronn (ambaŭ distrikto Heidenheim).
[redakti] Historio
[redakti] Romia epoko
En ĉ. 150/160 p.K. la Romianoj konstruis grandan fortikaĵon (castellum) kiel garnizonon de kavaleri-kohorto Ala II Flavia milliaria.
Estis sugestita, ke la nomo Aalen devenas de la latina Ala, sed tio ĉi estis refutita de pli malfrua esploro.
La situo de la fortikaĵo estis strategie oportuna pro sia rekta proksimeco al Limeso, la limo al la neokupita Germania. La kavalerigarnizono estis 1.000 soldatojn forta, la plej granda fortikaĵo de helptrupoj ĉe Limeso. Sude kaj oriente la fortikaĵo estis akompanita de civila kolonio (komercistoj, metiistoj, familianoj, prostituitinoj ...). Verŝajne en 260 (aŭ pli frue), la Romianoj forlasis la fortikaĵon, ĉar ili retiris sian landlimon ĝia la riveroj Rejno kaj Danubo, kaj la alemanoj transprenis la regionon.
En 2005 UNESKO agnoskis Limeson kiel monda heredaĵo, la kastelo de Aalen estas registrita kiel ORL 66 (RLK).
[redakti] Personoj forte ligitaj al Aalen
- Christian Friedrich Daniel Schubart (1739–1791), poeto, orgenisto, komponisto kaj ĵurnalisto; pasigis infan- kaj junulaĝon en Aalen.
[redakti] Esperanto
Rimarkinda estas la Germana Esperanto-Biblioteko, kies kolekto ampleksas pli ol 40.000 erojn. Ĉiun duan jaron la urbo kune kun la FAME-fondaĵo solene disdonas la Esperanto-kulturpremion (oficiale/germane: Aalener Esperanto-Kulturpreis). Unu el la pli konataj asocioj en la urbo estas la Esperanto-Grupo Alena.
[redakti] Partneraj urboj
[redakti] Notoj, referencoj
- ↑ laŭ la oficiala statistiko de subŝtato Baden-Virtembergo, interaktive konsultebla
[redakti] Eksteraj ligoj
- la oficiala retejo de la urbo
- retejo de Germana Esperanto-Biblioteko Aalen
- retejo de EGA la Esperanto-Grupo Alena
- la germana Esperanto-Biblioteko
- la E-grupo de Aalen
