Charles Lambert

		Ĉi tiu teksto estas prenita el la Enciklopedio de Esperanto 1934. Vi povas plibonigi ĝin per vikiigo kaj aktualigo de la enhavo. Kiam la origina teksto estos sufiĉe vikiigita kaj aktualigita, forigu ĉi tiun kadron, kaj anstataŭe enmetu la ŝablonon EdE en la artikolon.
Charles LAMBERT [lanber] (naskiĝis la 9-an de februaro 1866 en Mouzon apud Sedan) estis franca esperantisto kaj universitata profesoro ĉe la literatura fakultato. Li esperantiĝis en 1899 hazarde, leginte gramatikon de Beaufront. La 10-an de januaro 1900 li faris en la Universitato de Dijon publikan paroladon, kiu varbis Méray, kaj tio estis la fonto de Esperantigo de multaj francaj eminentaj profesoroj. Kun Meray li propagandis buŝe kaj skribe kaj gvidis kursojn sukcesplenajn. Li paroladis en pluraj urboj en Francujo kaj Belgujo. Li publikigis kursojn en Le Chasseur Français kaj en gazeto en Kanado. Li redaktis la gazeton Esperanto kaj skribis en Esperantaj gazetoj (La Revuo k. a.). Li verkis: kun Paul Berthelot: Komercaj Leteroj, 1903. sola: Cours pratique d'Espéranto, 1905. Vojaĝo de Uliso, 1905. Bukedo, kolekto da artikoloj precipe pri literaturaj temoj, 1908.

Ŝablono:Ĝermo-esperantisto