Daifuku
El Vikipedio
Daifuku (japane: 大福, «granda bonŝanco») estas japana dolĉaĵo (wagashi), el mochi (japane: 餅) enhavanta ekzemple paston el dolĉaj azuki-faboj, nomita anko (japane: 餡こ). La plej multaj daifuku estas kovritaj maldike de kinako.
[redakti] Specoj
La plej komunaj specoj enhavas ruĝan paston (anko) aŭ verdan. Aliaj enhavas fruktojn, ekzemple fragojn (ichigo daifuku) aŭ miksaĵon el faboj kaj fruktopecoj.
- Yomogi daifuku (蓬大福), «artemizia daifuku», farita kun kusamochi (草餅), mochi el komuna artemizio.
- Ichigo daifuku (イチゴ大福), «fraga daifuku», nova inventaĵo enhavanta tutan fragon.
- Yukimi Daifuku (雪見だいふく), «neĝa daifuku», estas glaciaĵo de Daifuku kiu estas pakita per maldika mochi-tavolo. Tio estas kreita de Lotte.
