Diaspora

El Vikipedio, la libera enciklopedio
Saltu al: navigado, serĉo
Diaspora
Diaspora logotype.svg
Diaspora New Image.png
Ruby[1]
Programisto The Diaspora Development Team
Programtipo Interkona retejo
Permesilo AGPL[2]
Retejo joindiaspora.com
v  d  r
Information icon.svg

Diaspora (aŭ Diaspora*; la steleto estas simbolo de leontodo) estas libera programo por persona ret-servilo[2] kies celo estas provizi malcentran alternativon por Facebook. Ĝi estas nuntempe programadata de Dan Grippi, Max Salzberg, Raphael Sofaer, kaj Ilya Zhitomirskiy,[3] kaj ĝi estis eldonota en septembro de 2010.[1]

La projekta celo estas provizi eblecojn havi «etajn ludojn, etajn murojn, etan babilejon» kiujn uzula fasado de Facebook ebligas nuntempe, sed gastigitaj ĉe ret-serviloj de uzantoj (nomataj «semoj»), tiel ke uzantoj povas «entute kontroli informojn kiujn ili kunhavigas."[3]

Uzantoj kunhavigos bildojn kaj videojn sekure pere de GPG,[2] kaj la programaro Diaspora ebligos servojn kiuj opcie povos interagi, tiel fotisto kiu alŝutis en bildo-gastiga servo (kiel ekzemple , Flickr) povus aŭtomate ĝisdatigi rettaglibretan servon (kiel ekzemple , Twitter).[4] La programaro enkorpigos OpenID, VOIP, disajn ĉifritajn sekurkopiojn, tujmesaĝilan protokolon, kaj UDP.[5]

La projekto estis anoncita la 24-an de aprilo 2010 ĉe Kickstarter kaj ricevis sian komencan fondusan celon de 10 000 dolaroj en 12 tagoj. Dum la sekvaj semajnoj, ĝi kolektis pli ol okobla unua celo, plejparte pere de malgrandaj donacoj.[2][3]

La grupo estis inspirita por kreado de Diaspora, de prelego de la 5-a de februaro 2010 de leĝa profesoro Eben Moglen, de la Universitato de Kolumbio, al la Interreta societo, "Freedom in the Cloud", en kiu Moglen priskribis centrajn sociajn retojn kiel "senpaga spionado."[3][6]

Post plenumo de la fonduso, la programistoj de Diaspora celas ĉefe labori pri kreado de «aro da kromaĵaj moduloj» por «faciligi iujn ajn tipojn de komunikado», kaj intencas oferi pagan gastigservon por la Diaspora-semoj.[2][5] Diaspora estas tradukita en diversajn lingvojn, inkluzive de Esperanto.

Referencoj[redakti | redakti fonton]

  1. 1,0 1,1 Vernon, , "Striking back at Facebook, the open-source way, Network World, International Data Group, 2010-05-12. Kontrolita 12-a de majo 2010.
  2. 2,0 2,1 2,2 2,3 2,4 ; Daniel Grippi, Raphael Sofaer, and Ilya ZhitomirskiyDecentralize the web with Diaspora — Kickstarter. Kickstarter. Alirita 13-a de majo 2010.
  3. 3,0 3,1 3,2 3,3 Dwyer, , "Four Nerds and a Cry to Arms Against Facebook, New York Times, The New York Times Company, 2010-05-11. Kontrolita 12-a de majo 2010.
  4. (2010-04-21)A Little More About The Project. Alirita 2010-05-12.
  5. 5,0 5,1 join diaspora — the project. Alirita 2010-05-12.
  6. YouTube — Eben Moglen — Freedom in The Cloud (2010-02-08). Alirita 2010-05-12.

Eksteraj ligiloj[redakti | redakti fonton]