Diskuto:Kasio Diono

Kasjo / Kasio[redakti fonton]

Kial Kasjo kaj ne Kasio?

NPIV preferas la formon Kasio por la latina vira nomo: [1] “Kasi/o. Romana vira nomo”. (Krome Diono ankaŭ estas en NPIV: [2])
Aliaj Vikipediaj artikoloj uzas la formon Kasio, ekz. Kajo Kasio Longino, Kasio Ĥereo; neniu alia uzas la formon Kasjo, krom referencoj al ĉi tiu artikolo (serĉrezultoj).
La fama verkisto Anna Löwenstein uzas la formon Kasio Diono, ekz. en la romano Morto de artisto: [3]
Zamenhof mem preferis Esperantigi tiajn latinajn nomojn per la sufikso -io; ekz. la Fundamenta vira nomo Julio [4].
Unu mala kialo estus por konservi la nacilingvajn akcenton sur la unua silabo (Cássius). Sed tion mi ne rigardas kiel tre gravan; nur kelkaj Esperantigitaj nomoj konservas la nacilingvajn akcentojn. (Ekzemple, Iúlius → Julío.)