Ede Sas
Ede SAS [ŝaŝ], laŭ hungarlingve kutima sinsekvo Sas Ede estis hungara verkisto, ĵurnalisto, redaktoro, scenaristo, membro de Societo Petőfi (1907), ĉefsekretario de Szigligeti Társaság.
Ede Sas naskiĝis [1] kiel Hille Ede la 23-an de decembro 1869 en Pest (urbo). Li mortis la 27-an de junio 1928 en Budapeŝto.
Biografio
Ede Sas komencis verkadi en diversaj periodaĵoj de Szeged en 1886. Post kelkaj jaroj li aliĝis al diversaj redaktejoj, baldaŭe li estis eĉ ĉefredaktoro. Inter 1893–1898 li redaktis konatajn gazetojn en Budapeŝto. En Kolozsvár li aliĝis al stabo de filmistoj dum la 1-a mondmilito. Poste li revenis al la origina ĵurnalista laboro, sed li verkis ankaŭ teatraĵojn.
Verkaro (elekto)
- Álarc nélkül (Sen masko) 1892 - novelaro
- Aratás (Rikolto) 1902 - poemaro
- Én vagyok az élet (Estas mi la vivo) 1903 - romano
- A fehér város (La blanka urbo) 1917 - poemoj
- Bolond Istók 1923 muzika teatraĵo
- scenaroj de diversaj filmoj