Frankenmuth - germane, prononco [FRANknmu:t], signifo "kuraĝo de Frankonio" - estas urbeto de Miĉigano, subŝtato de Usono. Laŭ la stato de la censo 2020 en la komunumo vivis 4 987 loĝantoj sur areo de 7,99 kvadrataj kilometroj, kio rezultigas loĝdenson de 624 loĝantoj/km². La urbo samkiel pluraj ĉirkaŭaj loĝlokoj, kies nomoj ankaŭ komenciĝas per Franken- videble estis loĝigita fare de elmigrintoj el la germanlingva regiono Frankonio de Bavario. Multaj domoj en la urbeto estas konstruataj en la tradicia konstrustilo de Frankonio, kaj la urbanoj plejparte vivas de turismo. La urba oktobrofesto estas la unua rekonita de la oficiala oktobrofesto ĉe la Esperanto-placo en Munkeno, kaj estas pliaj ĉiujaraj festivaloj. Aparte multaj vizitantoj tamen alvenas en decembro, kiam la tuta urbeto transformiĝas al tradicieca kristnaska merkato.
Administre ls urbeto apartenas al la kantono Saginaw, kaj estas la dua plej granda urbo de la kantono. Kvankam la apuda Hurona Lago prokisime havas golfon nomatan Saginaw, la kantono ne situas rekte ĉe tiu golfo kaj la lago: de la plej proksima kantona limo estas ankoraŭ 16 kilometroj ĝis la golfa kaj laga bordo, kaj de Frankenmuth estas 30 kilometroj rekte norden ĝis la bordo.
.jpg)
Vikimedia Komunejo Frankenmuth, Michigan [+]
.jpg)
