Géza Vágó

VÁGÓ Géza [pr. va:go:] estis hungara aktoro, reĝisoro, direktoro naskiĝinta en Nagyvárad 1882 kaj mortinta ?.

Kariero

Vágó debutis en 1902 en trupo de Péter Deák. Ekde 1904 ĝis 1906 li ludis en la Népszínház de Budapeŝto, inter 1907–1909 en la teatro Intim Színház, en 1912–13 li estis direktoro de la Vígszínkör. En 1915 li aperis en Vieno. En aprilo de 1916 li luis la Max und Moritz Kabareton en Vieno. En majo de 1916 li rolis en la teatro Budapesti Színház. En jaroj 1922–1924 li estis reĝisoro de teatro Blaha Lujza Színház. Poste li iris eksterlanden. Inter 1940 kaj 1944 okupigis lin la OMIKE Művészakció. Li estis komikulo. Li verkis teatraĵojn, parodiojn, filmscenarlibrojn. Li reĝisoris ankaŭ mutfilmojn.

Roloj

• Bastian (Martos F.: A granadai vőlegény);
• Izidor (Guthi S.: Smollen Tóni).

Reĝisoraĵoj

• Huszka J.: Lili bárónő;
• Offenbach: Szép Heléna;
• Bataille: A balga szűz.

Verkoj

• Kukorica Jónás (kun A. Mérei, 1905);
• Négy a kislány (kun E. Tábori, muziko: I. Barna, 1915);
• Lavotta szerelme (muziko I. Barna, 1917).

Fonto

• Magyar Színházművészeti Lexikon