George Cayley

El Vikipedio, la libera enciklopedio
Saltu al: navigado, serĉo
George Cayley.jpg

Kavaliro George CAYLEY (la 27-an de decembro, 1773 - la 15-an de decembro 1857), angla inventisto kiu esploris stabizitan flugadon.

Li naskiĝis en Scarborough en North Yorkshire. Lia patro estis bienulo kaj baroneto, kaj li mem iĝis la sesa baroneto de sia familio. Li estis fekunda inventanto, kaj inter liaj multaj inventaĵoj estis:

  • raŭpveturiloj
  • savboato kiu kapablis rektigi sin post renverso
  • artefarita mano
  • radoj kun streĉaj spokoj
  • frua versio de la eksplodmotoro
  • novaj metodoj por dreni marĉojn
  • rimedojn por pliigi la sekurecon de fervojoj

Li ankaŭ fondis la Londonan Politeknikon (nun la Universitato de Westminster), kaj estis parlamentano inter 1832 kaj 1835.

Tamen li plej famas pro siaj esploroj pri stabizita flugado. Li desegnis kaj konstruis flug-maŝinojn, el kiuj almenaŭ du - glisiloj - flugis. Li sciis ke la ŝlosilo al grandskala stabizita flugado estis la evoluigo de malpezaj motoroj, sed, malgraŭ liaj klopodoj, tio ne okazis dum lia vivtempo. Replikoj de glisilo kiu flugis en 1853 ĉe lia hejmo ĉe Brompton (vilaĝo apud Scarborough) flugis tie en 1974, la 1980-a jardeko kaj 2003.

Inter liaj flugmaŝinaj desegnoj estis kelkaj de helikopteroj.