Inhambane
Inhambane estas urbo kaj diocezo en Inhambane (provinco), en Mozambiko. Ĝi estas ĉefurbo de la samnoma provinco.
Bazaj informoj
- Koordinatoj: 23° 52′ S 35° 23′ O / 23.867 °S, 35.383 °O (mapo)Koordinatoj: 23° 52′ S 35° 23′ O / 23.867 °S, 35.383 °O (mapo)
- Areo: 268 km²
- Loĝantaro: 68.138 en 2012
- Supermara alteco: 0- m
- Horzono: UTC + 2
- Telefonkodo: +258 223
Geografio
Inhambane situas sur ebenaĵo laŭ Hinda Oceano en la sudorienta sekcio de la lando. Maputo etendiĝas 470 km. Grandurbo Maxixe estas proksime laŭ la marbordo.
Historio
Inhambane estas unu el la plej maljunaj havenurboj de Mozambiko. Araboj kaj persoj komercis ĉi tie jam en la 11-a jarcento. La areo iĝis konata ankaŭ pro la kotono. Por Eŭropo Vasco da Gama malkovris la havenon en la 15-a jarcento kaj li nomis ĝin Terra de Boa Gente (tero de la bonaj popoloj). En 1505 ŝipo de Francisco de Almeida vrakis. Poste en 1534 la portugaloj fondis komercan stacion. Baldaŭe en 1560 Inhambane iĝis la unua jezuita misio en Orientafriko. La haveno iom post iom kreskis, kiam eburoj kaj sklavoj koncentriĝis, precipe en la 18-a jarcento. En 1834 oni detruis la urbon, sed ĝi rapide rekonstruiĝis.
Ekonomio
Inhambane estas nur administra centro kaj turisma celloko. La ekonomia centro estas en Maxixe.
Trafiko
Inhambane havas havenon kaj flughavenon. Ĉefvojo (la plej grava en Mozambiko) inter Xai-Xai-Beira preteriras la urbon. Ŝipetoj ofte trafikas al la proksima Maxixe kiu troviĝas voje 60 km, (ŝipe malpli). Inhambane havis etŝpuran fervojon, kiu estis finita antaŭ la funkcio.
Klimato
Inhambane apartenas al la tropika zono. Jare pluvas preskaŭ 958 mm. En ĉiuj monatoj pluvas, sed inter decembro-aprilo pli ofte pluvas kaj tiam estas varmo. Inter junio-aŭgusto ne estas varmo kaj tiam pli malofte pluvas. La temperaturo varias inter 16-31 C.
Vidindaĵoj
- malnova kaj nova katedraloj
- muzeo
- plaĝo
Ĝemelurboj
Fontoj
