Intolerance
| Maltoleremo: Lukto de Amo Tra la Epokoj | |
|---|---|
| muta filmo | |
| Originala titolo | Intolerance: Love's Struggle Throughout the Ages |
| Produktadlando |  Usono
|
| Originala lingvo | silenta (kun anglaj intertekstoj) |
| Kina aperdato | 5-a de septembro 1915 |
| Daŭro | 163 minutoj (originale) |
| Ĝenro | Historia dramo |
| Kameraado | Billy Bitzer, Karl Brown |
| Buĝeto | Usona $2.000.000 (taksata) |
| Reĝisoro(j) | D.W. Griffith |
| Produktisto(j) | D. W. Griffith |
| Scenaro | D. W. Griffith |
| Filmita en | Usono
|
| Loko de rakonto | Parizo |
| Muziko de | Joseph Carl Breil |
| Ĉefrolantoj | Mae Marsh Robert Harron |
| Produktinta firmao | Triangle Distributing Corporation |
| IMDb | |
Intolerance: Love's Struggle Throughout the Ages (el la angla lingvo: "Maltoleremo: Lukto de Amo Tra la Epokoj") estas grandioza silenta filmo de la jaro 1915, farita de la reĝisoro D. W. Griffith. Ĝi estis farita kiel respondo al kritikantoj kiuj kontraŭis la rasismon montratan de lia antaŭa filmo, The Birth of a Nation ("La Naskiĝo de Nacio").
La realaj kostoj de la produktado de Intolerance ne estas konataj, sed laŭ la plej bonaj taksoj temas pri pli-malpli du milionoj da Usonaj dolaroj, granda monsumo en tiu tempo, kaj ĝi estis la plej multekosta filmo de tiu epoko. Kiam la filmo malsukcesis finance, la studio de Griffith ("Triangle Studios") bankrotis.
La filmo estis gigante desegnita, kun malsimplaj kostumoj, kaj pli ol 3.000 ekstraaktoroj. La filmo konsistas de kvar distingaj sed paralelaj epizodoj kiuj montris netoleremon de homaro dum kvar epokoj el monda historio tra 2.500 jaroj:
- Antikva Babilona epoko (539 a.K.) montras la falon de Babilono kiel rekta rezulto de netoleremo de konflikto inter adorantoj de du babilonaj dioj.
- Judea epoko (ĉ. 27 p.K.) rakontas kiel netoleremo kaŭzis la krucumon de Jesuo.
- La Renesanco en Francio rakontas pri la malsukceso de la Edikto de Toleremo kiu kaŭzis la Masakron de Sankta Bartolomeo.
- Moderna Usono (1914) montras kiel krimo, morala puritanismo, kaj konfliktoj inter senkompataj kapitalistoj kaj strikantaj laborantoj malhelpis la vivojn de usonanoj.
En 1989, Intolerance estis elektita de la Usona Biblioteko de Kongreso kiel "kulture grava", kaj tial konservita ĉe la Usona Nacia Film-Registro.