Jean-Baptiste Oudry

El Vikipedio, la libera enciklopedio
Saltu al: navigado, serĉo
Gravuraĵo fare de Jean-Baptiste Oudry.

Jean-Baptiste OUDRY (n. la 17-an de marto 1686 en Parizo - m. la 3-an de aprilo 1755 en Beauvais) estis franca pentristo kaj gravuristo.

Oudry estis unue la lernanto de sia propra patro, kiu estis pentristo kaj gravuristo, kaj sekve laboris dum kvin jaroj en la ateliero de la portretisto Nicolas de Largillière. Li fariĝis membro de la pentrakademio de Parizo en 1719, kaj profesoro en 1743.

Jean-Baptiste Oudry pentris ĉefe portretojn je la komenco de sia kariero, kaj poste dediĉis pliajn verkojn al bestoj aŭ flaŭro. Li estis ekde 1725 la artdirektoro de la tapeto-manufakturo de Beauvais, antaŭ fariĝi la direktoro de la fama manufakturo Gobelin de Parizo en 1733.