Körös

El Vikipedio, la libera enciklopedio
Saltu al: navigado, serĉo
Râul Criș
Körös
Körös
Akvobaraĵo en Békés en Duobla Körös
Bazaj informoj
Situo Rumanio, Hungario
Akvokolekta areo 27 537 km2
Fluo
Fonto pluraj
Enfluejo Tiso, ĉe Csongrád
Geografio
Körös
Pitoreska rivero Körös apartenas al Nacia Parko
v  d  r
Information icon.svg

Körös (rumane Criș, germane Kreisch) estas maldekstra flankorivero de Tiso en Hungario, ĉiuj fontoj estas en Rumanio. Tiu nomo malofte uziĝas, oni konas diversajn Körös-riverojn, kiuj kuniĝas.

La riveraro sume longas 741 km-ojn, akvokolekta areo estas 27 537  km². La kvin riveroj Körös jene ekestas unuj el aliaj:

  • Triopa Körös (pli oficiala nomo; hungare: Hármas-Körös) estiĝas el Duopa Körös kaj el Rapid(eg)a Körös (ĉe Gyomaendrőd). Triopa Körös longas 91 km-ojn kaj fluas nur en Hungario kaj enverŝiĝas la Tison ĉe urbo Csongrád. Akvonivelaj indikiloj (kaj samtempe gravaj urboj): Gyoma, Kunszentmárton, Szarvas.
  • Duopa Körös (hungare: Kettős-Körös) estiĝas el Blanka Körös kaj el Nigra Körös (ĉe Gyula), longas 37 km-ojn kaj fluas nur en Hungario. Estas grava urbo, akvobaraĵo kaj akvonivela indikilo: Békés.
  • Blanka Körös (rumane: Crișul Alb, hungare: Fehér-Körös) longas 236 km-ojn, el tio en Hungario 10 km-oj. Akvonivelaj indikiloj: Gurahonț, Ineu, Gyula. La lasta estas grava urbo.
  • Nigra Körös (rumane: Crișul Negru, hungare: Fekete-Körös) longas 168 km-ojn, el tio en Hungario 21 km-oj. Akvonivelaj indikiloj: Ant, Remete, Beiuș, Tinca.
  • Rapida Körös (rumane: Crișul Repede, hungare: Sebes-Körös) longas 209 km-ojn, el tio en Hungario 59 km-oj. Akvonivelaj indikiloj: Ciucea, Körösszakál, Körösladány. Ĉeborda grava urbo kun akvonivela indikilo: Oradea.
Rapida (supre), nigra (meze) kaj blanka Körös

Menciinda flankorivero estas Berettyó, krome en la hungara parto estas diversaj enfluantaj kanaloj, la plej konata estas Orienta ĉefkanalo. La riveroj kolektas la akvon el Mez-Okcidenta Transilvanio. La regiono ofte suferas pro inundoj. Helpas la digoj kaj la kanaloj. La pitoreskaj riveropartoj apartenas al la nacia parko Körös-Maros.