Mühlviertel

El Vikipedio, la libera enciklopedio
Saltu al: navigado, serĉo
Situo de la regiono en Supra Aŭstrio
Karte Aut Ooe Mühlviertel.png

La Mühlviertel (prononco [mülfirtl], laŭvorte "Mühl-kvartalo", en oficialaj nomoj ankaŭ Mühlkreis), estas regiono de Aŭstrio kaj konsistigas unu el la kvar historiajn regionojn de la federacia lando Supra Aŭstrio, nome ties nordan kaj nordorientan parton. La regiono nomatas laŭ la riveroj Große Mühl, Kleine Mühl kaj Steinerne Mühl. La ekzaktaj nuntempaj limoj nur fiksiĝis en la 19-a jarcento, lige al tiutempa kreo de la nunaj politikaj distriktoj de la federacia lando, sed pli-malpli la teritorio ekestis en la jaro 1779, kiam la antaŭaj regionoj "Mühl" kaj "Machland" estis unuigitaj. La regiono konsistas el la distriktoj Freistadt, Perg, Rohrbach kaj Urfahr-Umgebung, kaj tradicie inkluzivas ankaŭ la partojn de la urbo Linz norde de la rivero Danubo, do la urbopartojn Urfahr, Pöstlingberg kaj St. Magdalena.

tipe monteta, alterne arbara kaj kampara pejzaĝo de la regiono

Vidu ankaŭ[redakti | redakti fonton]

La tri pliaj historiaj regionoj de Supra Aŭstrio estas la Hausruckviertel (nomata laŭ la montoĉeno Hausruck), la Innviertel (nomata laŭ la rivero Inn) kaj la Traunviertel (laŭ rivero Traun).

Eksteraj ligiloj[redakti | redakti fonton]