Mia Mottley
| Mia Mottley | |||||
|---|---|---|---|---|---|
.jpg)
| |||||
| Persona informo | |||||
| Mia Mottley | |||||
| Naskonomo | Mia Amor Mottley | ||||
| Naskiĝo | 1-an de oktobro 1965 (58-jaraĝa) en Barbado | ||||
| Ŝtataneco | Barbado vd | ||||
| Alma mater | Londona Lernejo de Ekonomiko • United Nations International School • University of the West Indies - Cave Hill Campus vd | ||||
| Partio | Barbada Laborista Partio vd | ||||
| Profesio | |||||
| Okupo | politikisto vd | ||||
| |||||
| |||||
| vd | Fonto: Vikidatumoj | ||||
Mia Amor MOTTLEY (la 1an de oktobro 1965) estas politikisto kaj advokato, funkciante kiel la oka Ĉefministro de Barbado kaj la gvidanto de la Barbada Laborista Partio [1]. Mottley estas la unua virina Ĉefministro de Barbado. Ŝi ankaŭ estas la unua ĉefministro de Barbado post ŝanĝo de la politika sistemo de konstitucia monarkio al parlamenta respubliko.
En la klimata konferenco en 2022, Mottley gvidis la akuzon al riĉaj landoj preni respondecon pri la klimata damaĝo kaŭzita al malriĉaj landoj. Ankaŭ, fine de la konferenco, estis subskribita interkonsento pri perdo kaj damaĝo por kompensi malriĉajn landojn trafitaj de katastrofoj rilataj al la klimata krizo .
Vivo[redakti | redakti fonton]
Mottley estis naskita en Barbado en 1965. Ŝi devenas de familio de politikistoj. Ŝia avo, Ernest Deaton Mottley, estis la unua urbestro de Briĝurbo kaj membro de la Reprezentantĉambro por la Barbada Nacia Partio. Ŝia patro kaj onklo ankaŭ estis reprezentantoj en la Reprezentantĉambro.
Mottley frekventis mezlernejon ĉe la Internacia Lernejo de Unuiĝintaj Nacioj en Novjorko kaj Queen's College, en Husbands, Barbado. Ŝi faris siajn akademiajn studojn ĉe la London School of Economics kaj la Universitato de Londono [4].
Politika kariero[redakti | redakti fonton]
Mottley komencis ŝian politikan karieron en 1991. De 1991 ĝis 1994 ŝi funkciis kiel opozicia parlamentano en la Supera Ĉambro por la Barbada Laborista Partio. En septembro 1994, tiam 29-jaraĝa, ŝi estis nomumita Ministro de Eduko kaj Junularo en la registaro de Owen Arthur. Mottley estis la plej juna politikisto estanta nomumita al ministeria pozicio en Barbado [5].
En aŭgusto 2001 ŝi estis nomumita kiel jura konsilisto al la Registaro de Barbado kaj estis la unua virino se temas pri teni tiun pozicion; kaj samtempe ŝi funkciis kiel ministro pri loĝado. Du jarojn poste, Mottley iĝis Vicministroprezidento kaj Prezidanto de la Barbada Social Council kaj Vicprezidanto de la Barbada Ekonomia Konsilio. Sekvante la ŝanĝojn en la registaro, en februaro 2006 Mottley estis nomumita Ministro de Ekonomio kaj Evoluo [6].
Mottley ankaŭ estis membro de la Inter-Amerika-Dialogo [7].
En 2008 la Barbada Laborista Partio perdis la baloton kaj Mottley venkis eksiĝintan ĉefministron Owen Arthur en la elekto por opoziciestro. Ŝi estis la unua virino kiu okupis la postenon. En la baloto de februaro 2013, ŝia partio perdis sed ŝi estis elektita al la opoziciestro [8].
Cefministro[redakti | redakti fonton]
La 24-an de majo 2018, Mottley estis elektita Ĉefministro de Barbado, kiam ŝia partio venkis en la baloto kun senprecedenca atingo de ĉiuj 30 sidlokoj en parlamento kaj estis la unua partio en historio se temas pri realigi tiun atingon. Krome, la partio gajnis 72.8% de la voĉdonoj - la plej alta procento kiun partio iam atingis en parlamenta baloto en Barbado [9].
En 2020 dum la parolado de la trono, la registaro de Mottley sciigis ke ĝi intencas abolicii la monarkion de Barbado kaj ke Elizabeto la 2-a finus ŝian rolon kiel Reĝino de Barbado kaj la lando transformus de konstitucia monarkio al parlamenta respubliko. Barbado retenos parlamentan sistemon, kie prezidanto tenas ceremoniajn poziciojn [10]. En deklaro en ŝia nomo, Mottley diris, ke estas tempo por Barbado "forlasi nian kolonian pasintecon" [11].
La 12-an de oktobro 2021, Mottley kaj la Gvidanto de la Opozicio proponis ke la aktuala Ĝenerala Guberniestro, Ŝia Moŝteuleco Sandra Parnell Mason, funkciu kiel kandidato por la pozicio de la unua Prezidanto de Barbado [12]. Ŝi estis elektita la 20-an de oktobro kaj ekoficis la 30-an de novembro 2021 en ceremonio ĉeestita de Karlo, tiam Princo de Kimrujo [13].
En la baloto de januaro 2022, la partio de Mottley, la Barbada Laborista Partio, gajnis ĉiujn tridek sidlokojn en parlamento kaj ŝi estis ĵurkonfirmita, por la dua fojo, kiel ĉefministro [14].
Iniciato Bridgetown[redakti | redakti fonton]
.jpg)
En la klimata konferenco en Sharm el-Sheikh de 2022 kaj en la klimata konferenco en Glasgovo de 2021, Mottley estis la plej elstara proparolanto de la evolulandoj. Ŝi alvokis la riĉajn landojn zorgi pri la malriĉaj landoj, kiuj suferas pro klimataj katastrofoj, kiuj ĉefe rezultas el la detruaj efikoj de la riĉaj landoj.
"Ni estis tiuj, kies sango, ŝvito kaj larmoj financis la industrian revolucion [...] kaj ĉu ni devas alfronti duoblan riskon, ke ni devos pagi la [median kaj ekonomian] prezon kiel rezulto de la samaj forcejefikaj gasoj ellasitaj ekde la komenco industria revolucio? Tio estas principe maljusta." [15]
La iniciato ofertis solvon al la defio de evolulandoj kiuj estas postulataj financi programojn por redukti forcej-efikaj gasoj kaj adaptiĝi al klimata ŝanĝo. Ĝis nun, la riĉaj landoj disdonis ĉirkaŭ 100 miliardojn da dolaroj jare en subvencioj kaj pruntoj. Sed, la ĉiujara bezono de la evolulandoj staras je bilionoj da dolaroj [16].
La Iniciato Bridgetown proponis ke parto de la financado de 650 miliardoj USD venus de la Internacia Monunua Fonduso en la formo de specialaj tiraj rajtoj dum 20 jaroj por financi tiujn, kiuj alfrontas klimatajn krizojn en evolulandoj. Mottley baziĝis sur precedenco en kiu la fondaĵo donis unufojan subvencion de la sama kvanto, por subteni la reakiron de la landoj de la mondo de la korona krizo. Apud la subvencio, regionaj disvolvaj bankoj disponigos bilionon da dolaroj en malaltinterezaj pruntoj por klimata elspezo en evolulandoj. La franca prezidento, Macron, estis la unua kiu publike subtenis la iniciaton kaj estis aligita de ŝtatestroj. La Bridgetown-iniciato estis difinita kiel reformo de la Internacia Monunua Fonduso kaj la Monda Banko [17].
Por plia legado[redakti | redakti fonton]
- "10 things to know about Mia Mottley", Trend Media, 25 May 2018.
Arkivigite je 2020-11-28 per la retarkivo Wayback Machine
Referencoj[redakti | redakti fonton]
- ↑ The Honourable Mia Amor Mottley, SC, MP. Alirita 28 November 2022.
- ↑ Mia's climate plea at UN (28 September 2019). Arkivita el la originalo je 11 October 2019. Alirita 18 September 2020. Arkivigite je 2019-10-11 per la retarkivo Wayback Machine
- ↑ Barbados - Prime Minister Addresses General Debate, 74th Session. United Nations (27 September 2019). Alirita 30 September 2021.
- ↑ LSE alumna Mia Mottley elected Barbados's first female prime minister. LSE (5 May 2018).
- ↑ "Mia A. Mottley", Profiles of Speakers at Mona Academic Conference (31 August 2003), University of the West Indies at Mona, Jamaica.
- ↑ . Mia Takes Over (24 January 2008). Arkivita el la originalo je 23 June 2008. Alirita 21 January 2008. Arkivigite je 2008-01-23 per la retarkivo Wayback Machine
- ↑ Inter-American Dialogue | Mia Amor Mottely. Arkivita el la originalo je 8 July 2017. Alirita 12 April 2017.
- ↑ "Mottley replaces Arthur as opposition leader in Barbados" Arkivigite je 2020-04-14 per la retarkivo Wayback Machine, Caribbean360, 26 February 2013.
- ↑ "Barbados elects Mia Mottley as first woman PM", BBC News, 25 May 2018.
- ↑ "Barbados PM Mia Mottley's message for Australia as her country prepares to remove Queen Elizabeth as head of state", ABC News (Australia), September 17, 2020.
- ↑ Barbados to remove Queen Elizabeth II as head of state and declare republic (16 September 2020). Arkivita el la originalo je 12 May 2022. Alirita 17 September 2020.
- ↑ Letter to the Speaker RE Nomination of Her Excellency Dame Sandra Mason as 1st President of Barbados. Parliament of Barbados (12 October 2021). Alirita 16 October 2021.
- ↑ Barbados to become a parliamentary republic by November 30. Loop News (27 July 2021). Alirita 30 July 2021.
- ↑ . Barbados Leader Mia Mottley Re-Elected in Another Landslide (2022-01-20). Alirita 2022-01-21.
- ↑ Patrick Greenfield, Fiona Harvey, Nina Lakhani and Damian Carrington, Barbados PM launches blistering attack on rich nations at Cop27 climate talks, the Guardian, la 7an de novembro 2022
- ↑ Catherine Osborn, The Barbadian Proposal Turning Heads at COP27, Foreign Policy, November 11, 2022
- ↑ Gelles, David (2022-12-14). "A Powerful Climate Leader From a Small Island Nation". The New York Times (usonangla). ISSN 0362-4331. altirita 2023-01-15.
Eksteraj ligiloj[redakti | redakti fonton]
- "Riĉa politika heredaĵo de Mia", The Nation (la 23a de januaro 2008).
- Barbados Parlamenta Kontraŭstaro Gvidanto, barbadosparliament.com (2008).
- "ĈM Mottley Intervjuita de Amanpour de CNN (aprilo 29/20)"
- Mia Mottley
- "Profilo: La Honora Mia Mottley", Nelson Mandela fonduso.
- "Mia Mottley, Ĉefministro de Barbados ĉe la Malfermo de la #COP27 Pintokunveno de Mondaj Gvidantoj ", la 7a de novembro 2022.