Monumento de Ĵukov (Moskvo)
| Monumento de Georgij Ĵukov | |
| ruse Памятник маршалу Жукову | |
| monumento | |
| Oficiala nomo: Monumento de Georgij Konstantinoviĉ Ĵukov | |
| Lando |  Rusio
|
|---|---|
| Regiono | Moskvo |
| Urbo | Moskvo |
| Konstruaĵo | Monumento |
| Situo | Monumento de Ĵukov |
| - koordinatoj | 55° 45′ 21″ N 37° 37′ 00″ O / 55.75583 °N, 37.61667 °O (mapo) |
| Aŭtoro | Vjaĉeslav Klikov |
| Materialo | bronzo |
| Estiĝo | 8-a de majo 1995 |
| Por publiko | publike alirebla |
  | |
 Vikimedia Komunejo: Monument to Georgy Zhukov, Moscow
| |
Monumento de Ĵukov situas en centro de Moskvo antaŭ la fasado de la Ŝtata Historia Muzeo sur Maneĝa placo. Ĝi estas dediĉita al Marŝalo de Sovetunio Georgij Konstantinoviĉ Ĵukov. Skulptisto - Vjaĉeslav Klikov, arkitekto - Ju. Grigorjev.
Historio[redakti | redakti fonton]
La monumento estis starigita la 8-an de majo 1995 dum oficiala festado de 50-jariĝo de la venko de Sovetunio en la Dua mondmilito.
La ideo pri starigado de la monumento aperis jam dum sovetia epoko. Dekomence oni intencis starigi ĝin sur la Ruĝa Placo. Tamen pro tio, ke la Ruĝa placo estas objekto de Monda heredaĵo de Unesko, pli poste oni decidis starigi la skulptaĵon ĉe la kontraŭa flanko de la muzeo.
Priskribo[redakti | redakti fonton]
Georgij Ĵukov estas montrita sur ĉevalo, kiu tretas standardojn de Nazia Germanio, dum la Parado de Venko la 24-an de junio 1945. Oni konjektas, ke ĝi asociitas kun la Sankta Georgo, mortiganta drakon.
La bronza skulptaĵo staras sur multpeza granita postamento.
Monumento de Ĵukov estas ofte kritikata en diversaj aspektoj. Ĝi lokiĝas ĉe la norda muro de la muzea konstruaĵo, pro tio ĝi preskaŭ ĉiam restas sen suna prilumo. Specialistoj pri ĉevalrajdado asertas, ke pozo de la ĉevalo ne estas natura[1].
Referencoj[redakti | redakti fonton]
- ↑ Monumento de Ĵukov Arkivigite je 2013-12-14 per la retarkivo Wayback Machine (ruse)