Nacia Junula Teatro

El Vikipedio, la libera enciklopedio
Saltu al: navigado, serĉo

La Nacia Junula Teatro - angle National Youth Theatre - estas registrita komunutila (neprofitocela) organizaĵo en Londono, Britio. Celo de la asocio estas subteni la krean, personecan kaj socian evoluon de junaj homoj pere de krea arto, aparte per teatra aktorado. Por adoleskuloj kaj junaj plenkreskantoj forte interesitaj pri praktikado de teatra aktorado, sendepende ĉu kun la celo poste profesie labori teatre aŭ sen tiu celo, la organizaĵo ofertas multajn eblecojn lerni novajn kapablojn kaj evoluigi la proprajn talentojn.[1]

La Nacia Junula Teatro havas la ambicion esti centro de elstareco en ĉiuj siaj aktivaĵoj, uzante teatron cele al la ĝenerala persona kaj socia evoluigo de junaj homoj. Pro tiu ĝenerala socia celo, ĝi estas membro de la Nacia Konsilio de Volontulaj Junulaj Servoj (angle National Council for Voluntary Youth Services, NCVYS).

La organizaĵo, fondita en 1956, ofertas gamon da kursoj pri aktorado, kun emfazo pri ensembla teatrumado. Kursoj por novaj membroj kutime okazas dum du semajnoj de aŭgusto. Dum tiu tempo, ĝis 30 junuloj en ĉiu kurso sub la gvido de profesiaj teatraj pedagogoj improvizas, ekzercas kaj prezentas scenarojn al la publiko de aliaj kursanoj. Sekvaj aktoraj projektoj profundigas la sciojn.

Aldone al tiuj aktoraj kursoj, la asocio ankaŭ ofertas teknikajn kursojn, por ebligi al junuloj gajni praktikan trejnadon kaj spertadon en la teknika realigo de teatra produktaro. Tiuj kursoj inkluzivas luman kaj sonan teknologiojn, scenejan teknikon, kaj la prizorgon de kostumoj, kulisojn kaj rekvizitojn. Kandidatoj por pliprofunda eduko de tiuj teknikaj fakoj estas intervjuataj, kaj - se ili konvinkas en la intervjuo - rajtas aliĝi al la tiufakaj teknikaj teamoj kiuj kontribuas al la realigo de ĉiuj teatraj produktaĵoj de la asocio.

Multaj britaj aktoroj en sia junaĝo estis membroj de la Nacia Junula Teatro. Inter ili estas ekzemple

Notoj[redakti | redakti fonton]

  1. laŭ informoj el la retejo www.nyt.org.uk (angle)

Eksteraj ligiloj[redakti | redakti fonton]